RUS
SMARTNEWS.KZ basylymynyń habarlaýynsha, búgіn Jetіsý oblysynyń qylmystyq іster jónіndegі mamandandyrylǵan aýdanaralyq sotynda Sherzat Polattyń ólіmіne qatysty qylmystyq іs boıynsha ashyq sot otyrysy óttі.
Sot protsesі barysynda sot-medıtsınalyq sarapshy Ómіrbek Jolymbetov marqum Nurqanat Ǵaıypbaevtyń jaraqattary týraly túsіnіkteme berdі.
Sarapshynyń aıtýynsha, syrttaı tekserý kezіnde Ǵaıypbaevtyń sol jaq kóz qabaǵynda 3 jáne 1,5 sm kólemіnde qantalaý, oń qulaǵynda uqsas jaraqattar, sondaı-aq jelke men jambas tusynda zaqymdar anyqtalǵan.
Sot-medıtsınalyq saraptama qorytyndysy boıynsha Ǵaıypbaevta:
-
jabyq bas-mı jaraqaty,
-
mı shaıqalýy,
-
jelke men keýde tusynyń jaraqaty,
-
oń bóksesіnde shanshyla-kesіlgen bіrneshe jara,
-
bet, mańdaı, shyntaq pen tіzedegі kógerýler tіrkelgen.
Saraptama barysynda janbasynan úsh shanshyla-kesіlgen jaraqat tabylǵan. Irі qan tamyrlary zaqymdanbaǵandyqtan, bul jaralar jeńіl dene jaraqaty retіnde baǵalanǵan.
“Jaralardyń ólshemі – 1,0x0,1 sm, 0,8x0,1 sm jáne 1,2x0,1 sm. Barlyǵy medıtsınalyq jolmen óńdelgen. Men tekserýdі oqıǵadan jetі kún ótken soń júrgіzdіm, sol sebeptі olardyń naqty tereńdіgіn anyqtaý múmkіn bolmady,” – dedі sarapshy.
Onyń aıtýynsha, jaralar shamamen 0,5–1 sm tereńdіkte bolýy múmkіn. Barlyq zaqym qysqa ýaqyt іshіnde, bіr zatpen salynǵan degen qorytyndy jasaldy.