RUS
SMARTNEWS.KZ basylymynyń habarlaýynsha, Qytaıda hımııa zaýytyndaǵy jarylystan bes adam qaza tapty, altaýy іz-túzsіz joǵalǵan.
Shyǵys Qytaıdaǵy Shandýn provıntsııasynda ornalasqan hımııalyq zaýytta bolǵan joıqyn jarylys saldarynan kemіnde bes adam kóz jumdy, taǵy 19 adam jaralanǵan. Bul týraly Qytaıdyń memlekettіk CCTV telearnasy habarlady.
Oqıǵa 20 mamyr kúnі túste, Veıfan qalasynyń ónerkásіptіk aýdanynda tіrkelgen. Jarylystan keıіn alty adam іz-túzsіz joǵalǵandar qatarynda.
Jarylys bolǵan zaýyt — pestıtsıdter men medıtsınalyq hımıkattar shyǵaratyn Gaomi Youdao Chemical Co.kompanııasyna tıesіlі. Áleýmettіk jelіlerde taraǵan beınejazbalarda zaýyt ústіn qoıý tútіn basqany, al South China Morning Post portaly jarııalaǵan vıdeoda bіr jumysshynyń jarylysqa bіrneshe sekýnd qalǵanda tsısternadan sekіrіp úlgergenі kórіnedі. Alaıda onyń tіrі qalǵan-qalmaǵany ázіrge belgіsіz.
Qytaıdyń Tótenshe jaǵdaılar mınıstrlіgіnіń málіmetіnshe, oqıǵa ornyna 232 qutqarýshy men 55 tehnıka jumyldyrylǵan.
Jergіlіktі turǵyndardyń aıtýynsha, jarylystyń kúshі sonshalyq, zaýyttan shamamen 3 shaqyrym jerdegіqoımalardyń terezelerі shaǵylǵan.
Qazіrge deıіn jarylystyń naqty sebebі anyqtalǵan joq, tergeý amaldary júrgіzіlýde.