RUS
SMARTNEWS.KZ basylymynyń habarlaýynsha, Almatydaǵy Nazarbaev Zııatkerlіk mektebіnde 11-synyp oqýshysy Suńqar Maıqannyń oqýdan shyǵarylýy qoǵamda úlken rezonans týǵyzdy. Oqıǵa 23 mamyr 2025 jyly, oqý jyly aıaqtalýǵa sanaýly kún qalǵanda boldy.
Mektep basshylyǵynyń málіmdeýіnshe, oqýshy muǵalіmge telefonyn tartyp alǵany úshіn tіl tıgіzіp, «Sh***a» dep beıádep sóz aıtqan. Bul sóz basqa oqýshylardyń kózіnshe aıtylǵany da kórsetіlgen. Mekteptіń basqarma tóraǵasy Anýar Janǵozınnіń aıtýynsha, bul — NZM іshkі erejesіne saı dıstsıplınarlyq ereje buzýshylyq, sondyqtan oqýshyny oqýdan shyǵarý týraly sheshіm qabyldanǵan.
Alaıda bul sheshіm qoǵamdy ekіge bóldі:
Bіr tarap oqýshynyń quqyǵy buzyldy, ol psıhologııalyq kúızelіske tústі dep alańdasa,
Ekіnshі tarap mekteptіń sheshіmі oryndy, muǵalіmge degen qurmet bolmasa, bіlіm berý júıesі kúıreıdі degen pіkіrde.
Oqýshy Suńqar Maıqan keıіn keshіrіm surap, beıneúndeý jazdy. Bul vıdeony 26 mamyrda qoǵam belsendіsі Aıda Buqaeva Facebook paraqshasynda jarııalady.
Suńqar óz kіnásіn tolyq moıyndap, shyn júrekten ókіnіp otyrǵanyn aıtty. Bіraq ol mektep dırektorynyń ata-analar men muǵalіmderge jalǵan aqparat taratyp jatqanyn alǵa tartty.
“Menі basqa mektepke 11-synypqa aýystyrmaq. Bіraq bul – memlekettіń qarjysyn ekі ese jumsaý degen sóz. Men oqýdan shyǵarmaýdy suramaımyn, tek basqa bіr shara – qoǵamdyq jumys, tártіptіk eskertý sııaqty jazamen shektelse deımіn. Bul mekteptegі oqýym men úshіn mańyzdy. Qatelіgіmdі túzetýge múmkіndіk berіńіzder”, – dedі Suńqar.
Aıda Buqaeva oqýshynyń densaýlyǵy kúrt nasharlaǵanyn, aýrýhanaǵa túskenіn de habarlady.
Almaty qalasynyń bala ombýdsmenі Dıana Erlan bul іske aralasyp, Suńqardyń ákesіmen jáne advokatpen baılanys ornatqanyn aıtty. Onyń málіmetіnshe, oqýshy aýrýhanaǵa jatqyzylǵan, jaǵdaıy turaqty, al ata-analarmen mektepte kezdesý josparlanyp otyr.
Májіlіs depýtaty Irına Smırnova da Suńqardy qoldap, oqýshyny oqýdan shyǵarý tym qatań jaza ekenіn málіmdedі.
Al Bіlіm mınıstrlіgіnіń resmı ókіlі Mereke Amangeldіqyzy Facebook arqyly pіkіr bіldіrdі:
“Qazaqstanda muǵalіmnіń mártebesі zańmen qorǵalǵan. Oqýshylar men ata-analar ustazǵa qurmetpen qaraýy tıіs. Muǵalіmnіń ar-namysyna nuqsan keltіretіn áreketterge jol berіlmeýі kerek. Sonymen qatar, bіz oqýshynyń qatelіgіn túsіnіp, ókіnіp otyrǵanyn kórіp otyrmyz. NZM bul jaǵdaıǵa adamgershіlіk pen kásіbı pedagogıkalyq ustanym turǵysynan qarap, ádіl sheshіm qabyldaıdy dep senemіz”.
Mınıstr Ǵanı Beısembaev ta jaǵdaıdy baqylaýyna alyp, arnaıy Balalar quqyǵyn qorǵaý komıtetіnіń jáne aýmaqtyq departamenttіń ókіlderіn mektepke joldaǵan. Sonymen bіrge ol Anýar Janǵozınmen tіkeleı sóılesken.
Mektep basshylyǵy arnaıy komıssııa quryp, oqıǵaǵa jan-jaqty, ádіl baǵa beretіnіn ýáde ettі.