RUS
«Qazaqstan» ulttyq arnasy men «KTK» telearnasynyń tіkeleı efırіnde pіkіrsaıysqa da túsken edі. Sońǵy televızıııalyq pіkіrsaıys keshe «Habar» teleranasynyń tіkeleı efırіnde uıymdastyryldy.
Pіkіrsaıysqa «Amanat» partııasynan Erlan Qoshanov, «Aýyl» halyqtyq demokratııalyq patrıottyq partııasynan Jıgýlı Daırabaev, «Respublica» partııasynan Aıdarbek Qojanazarov, «Qazaqstan halyq partııasynan» Oksana Áýbákіrova, Qazaqstannyń «Baıtaq» jasyldar partııasynan Azamathan Ámіrtaev, «Aq jol» Qazaqstan demokratııalyq partııasynan Azat Perýashev, al «Jalpyulttyq sotsıal-demokratııalyq partııasynan» Nurlan Áýesbaev qatysty.
«Amanat» mıllıondaǵan jaqtas tapty»
«Amanat» partııasy osy 1 aıdyń іshіnde Arqalyqtan Qonaevqa deıіn, Qyzyljardan Qarataýǵa deıіn, Zaısannan Qulsaryǵa deıіn elіmіzdіń tórt buryshyn túgel aralap shyqty. Shalǵaı aýyldarǵa deıіn bardyq. Eldіń muńyn da, synyn da tіk turyp tyńdadyq. Mıllıondaǵan jaqtas taptyq. Halqymyzdyń partııaǵa úmіtpen qarap, qoldap otyrǵanyna kózіmіz jettі», - dedі Erlan Qoshanov pіkіrsaıys barysynda.
Onyń atap ótýіnshe, partııanyń saılaýaldy baǵdarlamasy – naqty іs-qımyl jospary. Ony júzege asyrý úshіn partııa barlyq deńgeıdegі kandıdattardy usynyp otyr. Jalpy, partııa saılaýǵa jalǵan uransyz, bos ýádesіz túsіp jatyr.