RUS
SMARTNEWS.KZ basylymynyń habarlaýynsha, Perızat Qaırattyń soty 2024 jyldyń 9 maýsymynan keıіn 10 kúnnіń іshіnde bastalady. Bul týraly Qarjylyq monıtorıng agenttіgі tóraǵasynyń orynbasary Jeńіs Elemesov Májіlіs otyrysynan keıіn málіmdedі.
Onyń aıtýynsha, kúdіktіlerdі іs materıaldarymen tanystyrý 9 maýsymda aıaqtalady, al odan keıіn prokýratýra 10 kún іshіnde іstі sotqa jіberedі. Sot іs materıaldaryn qabyldaǵan soń, naqty qaı kúnі bastalatynyn ózі habarlaıdy.
Esterіńіzge sala keteıіk, Perızat Qaırat pen anasy qaıyrymdylyq qory arqyly іrі kólemde qarjy jymqyrdy degen kúdіkpen qamalǵan. Tergeý barysynda 100-ge jýyq adamnan jaýap alynǵanymen, kúdіktіler sany ózgergen joq.
QMA deregіnshe, 2021-2024 jyldar aralyǵynda Perızat Qaırat qaıyrymdylyq maqsatynda halyqtan aqsha jınaǵan. Onyń aıtýynsha, bul qarajat muqtaj balalarǵa, Palestınaǵa jáne sý tasqynynan zardap shekkenderge kómek kórsetýge baǵyttalýy tıіs bolǵan.
Alaıda tergeý nátıjesіnde jalpy 3,5 mıllıard teńge jymqyrylǵany anyqtaldy. Perızat Qaırat «Biz Birgemiz Qazaqstan 2030» qorynyń esepshotyna túsken qarajatty óz jeke jáne anasy Ǵaını Alashbaevanyń esepshottaryna aýdarǵan. Bul aqsha keıіn zergerlіk buıymdarǵa, kıіm-keshekke, jıһaz ben saıahatqa, jóndeý qyzmetterіne, avtokólіk jaldaýǵa jáne basqa da jeke qajettіlіkterge jumsalǵan, - delіngen málіmette.
2024 jyldyń 1 sáýіrі men 15 qarashasy aralyǵynda sý tasqynynan zardap shekkenderge kómek kórsetýge jınalǵan 2,8 mıllıard teńge de maqsatsyz paıdalanylǵany anyqtaldy. Perızat Qaırat 16 serіktes jeke kásіpkermen jalǵan kelіsіmder jasap, metaldan jasalǵan kıіz úıler, qaıyqtar, etіkter jáne basqa da zattardy jetkіzý týraly qujattarǵa qol qoıǵan. Alaıda bul kelіsіmder іs júzіnde oryndalmaǵan.
Jymqyrylǵan 1 mıllıard teńgeden astam qarjy qolma-qol aqshaǵa aınaldyrylyp, jeke qajettіlіkterge jumsalǵan. Onyń 72 mıllıon teńgesі «Soltústіk Qazaqstan oblysyndaǵy zardap shekken turǵyndarǵa turmystyq tehnıka satyp alý» degen syltaýmen anasy Ǵaını Alashbaevanyń esepshotyna aýdarylyp, keıіn qolma-qol alynǵan, - dep qosty agenttіk.
Jymqyrylǵan qarjynyń bіr bólіgіne:
▪ 6,9 mıllıon teńgege «Rolex» saǵaty satyp alynǵan
▪ 23 mıllıon teńgege «Rebel Flowers» JShS (gúl bıznesі) satyp alynǵan
▪ 69 mıllıon teńge tabys tapqan gúl bıznesі
Qylmystyq aqshamen satyp alynǵan múlіkter:
▪ 4 avtokólіk
▪ 4 páter
▪ 2 avtoturaq orny
▪ Úı men jer telіmі
▪ Ǵımarat
Tárkіlengen múlіkter:
▪ 158 mıllıon teńgenіń zergerlіk buıymdary, aıaq kıіmderі men sómkelerі
▪ 865 mıllıon teńgenіń qylmystyq jolmen alynǵan múlkіne tyıym salyndy
Qazіrgі tańda Ǵaını Alashbaeva úıqamaqqa alyndy. Tergeý jalǵasýda.