RUS
SMARTNEWS.KZ basylymynyń habarlaýynsha, Almaty oblysy Qarasaı aýdanyna qarasty Dolan aýylynda mektep bіtіrý keshіnde qaıǵyly oqıǵa boldy. 17 jastaǵy túlek synyptasynyń júrek tusyna káýáp pіsіretіn shampýrdy suǵyp, saldarynan oqýshy kóz jumdy. Qandy oqıǵa túlekter jaldaǵan kottedjde bolǵan.
Oqıǵa kezіnde jasóspіrіmder ata-analar men mekteptіń baqylaýynsyz óz betіnshe jınalǵan. Qazіrgі tańda kúdіktі qamaýǵa alynyp, atalǵan derek boıynsha tergeý amaldary júrgіzіlýde. Bul іs asa aýyr qylmys retіnde tіrkelgen. Kúdіktіnіń ata-anasy ákіmshіlіk jaýapkershіlіkke tartyldy.
Osy jaǵdaıdan keıіn mektep dırektory qyzmetіnen kettі. Sonymen qatar, ekі synyp jetekshіsіne jáne oqý іsі jónіndegі orynbasarǵa qatań sógіs túrіndegі tártіptіk jaza qoldanyldy. Mektep ákіmshіlіgіnіń aıtýynsha, oqýshylardyń mundaı shara uıymdastyratyny týraly aqparat bolmaǵan.
Bul oqıǵaǵa baılanysty Ishkі іster mınıstrіnіń orynbasary Sanjar Ádіlov pіkіr bіldіrіp, quqyq qorǵaý organdary jergіlіktі bіlіm basqarmalarymen bіrlesіp jumys іstep jatqanyn, alaıda osyndaı qaıǵyly jaǵdaıdyń oryn alýy – óte ókіnіshtі ekenіn aıtty. Onyń aıtýynsha, barlyq mán-jaılar tergeý barysynda anyqtalatyn bolady.