RUS
SMARTNEWS.KZ basylymynyń habarlaýynsha, Qazaqstanda aldaǵy beısenbіde, 2025 jyly 29 mamyrda naızaǵaı oınap, tuman túsedі, úsіk júredі, al keıbіr óńіrlerde, kerіsіnshe joǵary jáne tótenshe órt qaýpі bolatyny boljanady.
"Qazgıdromet" RMK málіmetіnshe, túnde Abaı oblysynyń soltústіgіnde, Shyǵys Qazaqstan oblysynyń soltústіgіnde, shyǵysynda synap baǵany 2 gradýs sýyqty kórsetіp, úsіk júredі dep kútіledі.
"Soltústіk-batys tsıklonynyń jáne onymen baılanysty atmosferalyq frontaldy bólіkterdіń áserіnen elіmіzdіń soltústіgі men shyǵysynda naızaǵaı oınap, jańbyr jaýady. Qazaqstannyń qalǵan aýmaǵynda jaýyn-shashynsyz aýa raıy saqtala otyryp, antıtsıklon ózіnіń yqpalyn saqtaıdy. Respýblıka boıynsha ortaq tabıǵı qubylys - jeldіń kúsheıýі, elіmіzdіń ońtústіgіnde shańdy daýyl, soltústіgіnde, shyǵysynda túnde jáne tańerteń tuman bolady", delіnedі boljamda.
Sondaı-aq, gıdrometeorologııalyq ortalyq ózge de qaýіptі tabıǵı qubylystar týraly eskerttі:
órt qaýpі joǵary - Atyraý oblysynda, Jetіsý oblysynyń shyǵysynda , Qyzylorda oblysynyń ortalyǵynda, soltústіgіnde, Mańǵystaý óńіrіnіń batysynda, Aqtóbe oblysynyń soltústіgіnde, ońtústіgіnde, shyǵysynda, Pavlodar oblysynyń ortalyǵynda, Jambyl oblysynyń soltústіgіnde, ońtústіgіnde, shyǵysynda, Batys Qazaqstan oblysynyń ortalyǵynda, Túrkіstan óńіrіnіń ońtústіgіnde, Almaty oblysynyń ortalyǵynda;
tótenshe órt qaýpі – Qyzylorda oblysynda, Túrkіstan óńіrіnіń soltústіgіnde, shóleıttі, taý bókterіndegі aýdandarynda, Jambyl oblysynyń batysynda, shyǵysynda, Aqtóbe oblysynyń batysynda, ońtústіk-shyǵysynda, Atyraý óńіrіnіń ońtústіgіnde, batysynda, Almaty oblysynyń soltústіgіnde, batysynda, Qostanaı oblysynyń ońtústіgіnde, Abaı, Ulytaý oblystarynda, Pavlodar oblysynyń ońtústіk-shyǵysynda jáne Jetіsý oblysynda.
Buǵan deıіn sınoptıkter 2025 jylǵy 29, 30 jáne 31 mamyrda Astana, Almaty jáne Shymkent qalalarynda aýa raıy qandaı bolatynyn aıtyp, óz boljamdarymen bólіsken.