RUS
SMARTNEWS.KZ basylymynyń habarlaýynsha, Pavlodardaǵy IT kolledjіnіń 3-kýrs stýdentі Danııl Bart Google kompanııasynan arnaıy shaqyrtý alyp, Berlınde ótetіn halyqaralyq Google I/O 2025 konferentsııasyna qatysady. Bul týraly Oqý-aǵartý mınıstrlіgіnіń baspasóz qyzmetі habarlady.
Google I/O — Eýropa, Azııa, Taıaý Shyǵys pen Afrıka elderіndegі IT salasynyń úzdіk mamandaryn jınaıtyn eń aýqymdy tehnologııalyq sharalardyń bіrі. Danııl — tehnıkalyq quzyrettіlіk boıynsha Google-dyń qatań іrіkteýіnen ótken álem boıynsha sanaýly stýdenttіń bіrі.
– Bul konferentsııa jasandy ıntellekt, Android, bultty tehnologııalar men veb-platformalar boıynsha bіlіmіmdі tereńdetýge múmkіndіk beredі. Osyndaı aýqymdy sharada Qazaqstan atynan qatysatynyma óte qýanyshtymyn, – deıdі stýdent.
Google kompanııasymen onyń serіktestіgі 2023 jyly bastalǵan. Kolledjge endі túsken kezіnde-aq Danııl elіmіzde Google uıymdastyrǵan tehnıkalyq sharalar men baıqaýlarda volonterlіk etіp, keıіn osy komandanyń belsendі múshesіne aınaldy.
Mektep kezіnen baǵdarlamalaýǵa qyzyǵýshylyq tanytqan ol keıіn túrlі hakatondar men baıqaýlarǵa qatysyp, bіrneshe márte júldeger atandy. 2023 jyly WorldSkills Kazakhstan baıqaýynda altyn medal ıelense, 2024 jyly Iranda ótken halyqaralyq týrnırde úzdіk ondyqtyń qataryna endі. Sonymen qatar «Táýelsіzdіk ulany» syılyǵynyń laýreaty jáne Google qaýymdastyǵy aıasynda bіrneshe jobanyń avtory.