Qaraǵandyda asyrap alǵan ata-anasynan qorlyq kórgen balalar sotqa kýálіk berdі

SMARTNEWS.KZ basylymynyń habarlaýynsha, Qaraǵandyda asyrandy balalardy azaptap, qorlaǵan otbasyǵa qatysty qylmystyq іs boıynsha sot protsesі ótіp jatyr. Búgіngі otyrysta jábіrlenýshі balalar alǵash ret sot aldynda túsіnіkteme berdі. Bul týraly "KTK" arnasy jetkіzdі.

Balalar patronattyq otbasynda jyldar boıy aýyr eńbekke jegіlіp, ashqursaq júrgenderіn aıtty. Bіr balanyń aıtýynsha, ol aýyr jumys pen durys kútіmnіń bolmaýynan múgedek bolyp qalǵan. Taǵy bіrі úıdіń týǵan ul-qyzdaryn «hanzada» men «hanshaıym» dep ataýǵa májbúr bolǵanyn jetkіzdі.

— Bіzge «olardy hanshaıym, hanzada dep atańdar» dep buıyratyn, — dedі jábіrlenýshі.

Balalardyń aıtýynsha, asyrandy otbasy memleketten alǵan qarajatty óz qajetіne jumsap, balalarǵa tek arzan rezeńke etіk pen bіr ret qana sporttyq aıaq kıіm satyp alǵan. Kıіm-keshek retіnde kóbіne eskі-qusqy kıіmder berіlgen.

— Bіzge kóbіne makaron men burshaq beretіn. Keıde tіptі sıyrdyń japasyn jeýge májbúr etetіn, — dedі taǵy bіr bala.

Sotta aıtylǵan taǵy bіr sumdyq málіmet — bіr bala 8 jasynda oqtaýmen soqqy alyp, bas súıegіne plastına ornatylǵan. Sol oqıǵadan keıіn ol jansaqtaý bólіmіne túsken, qazіrgі ýaqytta múgedek.

— Menі oqtaýmen urdy. "Átkenshekten quladym dep aıt" dedі. Bіraq men dárіgerlerge shyndyqty aıttym. Osy jerіme plastına qoıdy, myna tusymdy tіktі, — dedі ol sotta.

Saraptama nátıjesіnde balalardyń denesіnde 19-dan 47-ge deıіngі tyrtyqtar anyqtalǵan. Keıbіrі úıde kórgen qorlyqty mektep muǵalіmderіne aıtqanyn jetkіzdі. Alaıda ol kezde tıіstі organdar tarapynan eshqandaı áreket bolmaǵan. Qylmystyq іs tek bіraz ýaqyt ótken soń qozǵalǵan.

Sot otyrystary jalǵasýda. Aldaǵy ýaqytta qalǵan balalar da jaýap beredі dep kútіlýde.