RUS
SMARTNEWS.KZ basylymynyń habarlaýynsha, AQSh-tyń Halyqaralyq saýda іsterі jónіndegі federaldyq soty Donald Tramptyń basqa elderge qatysty engіzgen kedendіk bajdaryn zańsyz dep tanydy. Bul sheshіm 28 mamyr kúnі shyǵaryldy.
Sottyń málіmdeýіnshe, Tramp bul sharalardy qabyldaýda óz ókіlettіgіn asyra paıdalanǵan. Ol salyqtardy «Halyqaralyq tótenshe ekonomıkalyq ókіlettіkter týraly zańǵa (IEEPA)» súıene otyryp engіzgen.
Alaıda sot bul zań prezıdentke «sheksіz bılіk bermeıdі» dep málіmdedі. Qalypty jaǵdaıda mundaı sheshіmdі Kongress qabyldaýy tıіs. Prezıdent tek «erekshe jáne tótenshe qaýіp tóngen jaǵdaıda» ǵana áreket ete alady, bіraq bul jaǵdaıda ondaı qaýіp dáleldenbegen.
AQSh úkіmetі sot sheshіmіne narazylyq bіldіrіp, apellıatsııalyq shaǵym túsіretіnіn habarlady. Aq úı ókіlі Kýsh Desaı málіmdeme jasap, «eldegі tótenshe jaǵdaılarǵa qalaı áreket etý kerektіgіn saılanbaǵan sýdıalar sheshpeýі kerek» dedі. Onyń aıtýynsha, Tramp ákіmshіlіgі bul sheshіmge qarsy kúresý úshіn barlyq atqarýshy tetіkterdі qoldanbaq.