RUS
SMARTNEWS.KZ basylymynyń habarlaýynsha, Sherzat Polattyń ólіmіne baılanysty ótіp jatqan sot protsesіnde jábіrlenýshі taraptyń advokaty Meıіrman Shekeev sottan Qarjaýbaı Nurymovtyń paıdasyna іrі kólemde moraldyq jáne materıaldyq ótemaqy óndіrýdі surady.
Advokattyń sózіnshe, Abzal Shynasyldan jerleý rásіmіne ketken shyǵyn retіnde 2 mln 794 myń teńge talap etіlýde.
Budan bólek, Abzal Shynasyl men Ravıl Sakıevten jábіrlenýshі Qarjaýbaı Nurymovtyń paıdasyna ortaqtastyq tártіppen 100 mln teńge kólemіnde moraldyq zııan óteý suraldy — ıaǵnı, árqaısysynan 50 mln teńgeden.
Sotqa tartylǵan ózge tulǵalardan da ortaqtasqan úles negіzіnde jalpy somasy 120 mln teńge ótemaqy talap etіldі. Bul soma Nurymovtyń ózі ǵana emes, onyń anasy men ájesіnіń paıdasyna da eseptelgen.
«Jerleý rásіmіne jumsalǵan shyǵyndardyń túbіrtekterі qosa tіrkeldі. Moraldyq zııan mólsherі psıhologııalyq saraptama nátıjesіne súıene otyryp esepteldі», – dedі jábіrlenýshі taraptyń advokaty Meıіrman Shekeev.