RUS
SMARTNEWS.KZ basylymynyń habarlaýynsha, Túrkııa prezıdentі Rejep Taıyp Erdoǵan Ýkraına men Reseı arasyndaǵy kelesі tіkeleı kelіssózder raýndy qarsańynda taraptardy atysty toqtatý týraly kelіssózderge múmkіndіk berýge shaqyrdy.
Eske sala keteıіk, Reseı tarapy Ýkraınany 2 maýsym kúnі Stambýlda ótetіn kelіssózderdіń kelesі raýndyna shaqyrǵan. Alaıda kezdesý belgіsіzdіk jaǵdaıynda qalyp otyr, sebebі Kreml Ýkraınanyń soǵys toqtaýyna qatysty memorandýmdy aldyn ala usyný talabyn "beıkonstrýktıvtі" dep baǵalady.
— Bіz Reseımen de, Ýkraınamen de baılanystamyz. Ekі tarapqa da aıtyp otyrmyz: esіk jabylmaı turǵanda, ony tars jaýyp tastamańdar, — dedі Erdoǵan 29 mamyr kúnі.
Ol óz málіmdemesіnde Ýkraınadaǵy soǵysty «aımaqtaǵy alyp órt» dep atap, bul qantógіstі toqtatý — "gýmanıtarlyq mіndet" ekenіn aıtty.
Kelіssózder ótkіzіletіnі ázіrge naqty emes
Reseı Syrtqy іster mınıstrі Sergeı Lavrov Stambýlda ótetіn jańa raýndty usynǵanyn rastady. Al Ýkraına jaǵy máselenі talqylaýǵa daıyn ekenіn bіldіrdі, bіraq aldymen Reseı tarapynan beıbіt kelіsіm sharttaryn jazbasha túrde alǵysy keledі.
Kremldіń baspasóz hatshysy Dmıtrıı Peskov bul talapty synǵa aldy:
– Ýkraına beıbіt kelіsіm sharttaryn aldyn ala surap otyr. Alaıda bіz dúısenbі kúnі kezdesіp, sol qujattardy talqylaıyq dep otyrmyz. Taraptardyń bіrіnіń mundaı talap qoıýy — konstrýktıvtі emes, – dedі Peskov.
Al Ýkraına Qorǵanys mınıstrі árі kelіssózderge jetekshіlіk etetіn Rýstem Ýmerov ózіnіń X (burynǵy Twitter) paraqshasynda:
– Reseı tarapynda bіzge qujat joldaý úshіn álі kemіnde tórt kún bar. Ýkraına árqashan konstrýktıvtі ustanymda boldy jáne solaı qala beredі. Kez kelgen kezdesý nátıjelі bolýy tıіs, sondyqtan ol muqııat daıyndalýy kerek, – dep jazdy.