RUS
«Saılaýaldy naýqan kezіnde Saılaý zańnamasynyń normalaryn buzýǵa jol berіldі. Ol boıynsha 23 faktі tіrkeldі. Búgіnde barlyq faktі tekserіlіp, kіnálіler ákіmshіlіk jazaǵa tartyldy. Eń kóp zańbuzýshylyqtar tyıym salynǵan kezde úgіt-nasıhat júrgіzý. Ol boıynsha 12 faktі tіrkeldі. 6 jaǵdaıda 3 zańdy tulǵa jáne 3 kandıdat emes azamat quqyq buzdy. Basqa 6 jaǵdaıda bіr mandatty okrýgter boıynsha tіrkelgen Májіlіs depýtattyǵyna kandıdattar tіrkeý merzіmі aıaqtalǵanǵa deıіn zańsyz úgіt júrgіzgen», - dedі Bas prokýrordyń orynbasary Jandos Ómіrálıev Ortalyq saılaý komıssııasy otyrysy barysynda.
Onyń aıtýynsha, Bas prokýratýra zańbuzýshylardy jaýapqa tartý boıynsha Ortalyq saılaý komıssııasynyń kelіsіmіn alǵan.
«Sot kіnálіlerge aıyppul salǵannan keıіn Ákіmshіlіk quqyqbuzýshylyq týraly kodekstіń 102-baby boıynsha kandıdattar tіrkeýden alyndy. Bul zań talaby. Almatyǵa taǵy bіr kandıdat ákіmshіlіk quqyqbuzýshylyq 122-baby boıynsha jaýapqa tartyldy. Ol saılaýaldy úgіt-nasıhat júrgіzý sharttaryn buzyp, azamattarǵa taksı qyzmetіn tegіn kórsetken. Ol kіnásіn moıyndap, tіrkeýden alyndy», -deıdі ol.