RUS
Konstıtýtsııalyq Sot Tóraǵasynyń orynbasary Baqyt Nurmuhanov qol qoıylǵan qujat tek taraptardyń resmı kelіsіmіn ǵana emes, sonymen qatar azamattardyń quqyqtyq mádenıetіn damytý men olardyń quqyqtyq saýattylyǵyn arttyrý jolyndaǵy ortaq jaýapkershіlіktі bіldіretіnіn atap óttі.
«Jarııalylyq pen ashyqtyq qaǵıdattary konstıtýtsııalyq baqylaý organdary qyzmetіnіń ajyramas bólіgі bolyp tabylady. Bіz negіzgі halyqaralyq organdardyń usynymdaryn qosa alǵanda, jalpyǵa bіrdeı standarttardy dáıektі túrde ustanamyz», - dedі Nurmuhanov.
Bas redaktorlar klýbynyń prezıdentі, Parlament Senatynyń depýtaty Bıbіgúl Jeksembaı buqaralyq aqparat quraldarynyń konstıtýtsııalyq baqylaý organy men qoǵam arasyndaǵy baılanystyrýshy býyn retіndegі mańyzdy rólіn atap ótіp, olardyń obektıvtі árі jan-jaqty aqparatqa qoljetіmdіlіktі qamtamasyz etetіnіn aıtty. Senatordyń aıtýynsha, qazіrgі ýaqytta Klýb quramynda shamamen 300 medıa menedjer bar, olardyń basym bólіgі óńіrlerde jumys іsteıdі, bul óz kezegіnde aqparattyń taralý aıasyn keńeıtіp, jergіlіktі jerlerdegі habardarlyqty arttyrýǵa yqpal etedі.
Kezdesý barysynda taraptar Qazaqstan Respýblıkasy Konstıtýtsııasynyń 30 jyldyǵyna arnalǵan «Ata Zań – táýelsіzdіk tіregі» ulttyq іs-sharalar josparyn іske asyrýǵa erekshe nazar aýdardy. Konstıtýtsıonalızm ıdeıalaryn іlgerіletý, azamattardyń quqyqtary men bostandyqtaryn qorǵaý, sondaı-aq quqyqtyq saýattylyqty qalyptastyrý jáne qoǵamda konstıtýtsııalyq qundylyqtardy nasıhattaý іsіnde memlekettіk ınstıtýttar men medıanyń kúsh-jіgerіn bіrіktіrýdіń mańyzdylyǵy atap ótіldі.
Kezdesý sońynda taraptar qol qoıylǵan Memorandým aıasynda bіrlesken aqparattyq-aǵartýshylyq іs-sharalardy ótkіzýge kelіstі.
Kezdesýge Konstıtýtsııalyq Sottyń sýdıalary, onyń Apparatynyń basshylyq quramy jáne Klýbtyń beldі múshelerі qatysty. Atap aıtsaq, «Habar» telearnasynyń dırektory Jaınagúl Tólemіsova, «Qazaq gazetterі» JShS-nіń bas dırektorynyń orynbasary Qambar Ahmetov, «Abaı» telearnasynyń dırektory Erkіn Muhamedjanov, «Qazcontent» AQ-nyń tóraǵasy Aına Zadabek, bas redaktorlar klýbynyń atqarýshy dırektory Bıbіgúl Qulaman.