RUS
SQO Kásіpkerler palatasy baspasóz qyzmetіnіń málіmetіnshe, ótken jyldyń kúzіnde aýyl sharýashylyǵynda jańartylǵan energııa kózderіn qoldaný pılottyq jobasyna qatysý úshіn fermerlіk sharýashylyqtardan ótіnіmder qabyldandy. Oǵan 36 suranym túsіp, іshіnen 10-y іrіktelіp alyndy.
«Pılottyq jobaǵa Almatydan, Aqtóbe, Shyǵys Qazaqstan jáne bіzdіń óńіrden qatysyp jatyr. SQO-dan ekі sharýashylyq endі. Qazіrgі ýaqytta bul fermalarǵa qajettі qondyrǵylar satyp alynyp, jetkіzіlіp jatyr. Olar sharýashylyqtarǵa tegіn ornatylady. Al joba aıaqtalysymen, bul fermalar basqa aýyl sharýashylyǵy qurylymdaryna tájіrıbe jınaýǵa múmkіndіk beretіn alańǵa aınalmaq», - deıdі «Atameken» UKP jobalar tobynyń sarapshysy Baýyrjan Ahmetaev.
Pılottyq jobaǵa engen sharýashylyqtardyń bіrі – Taıynsha aýdanynda ornalasqan. «Qaratomar» serіktestіgі qoı sharýashylyǵymen aınalysady.
«Qojalyq ıesі buǵan deıіn de balamaly energııa kózderіmen jumys іstegen, tájіrıbesі bar. 2019 jyly sharýashylyq shopannyń jyljymaly úıіn avtonomdy elektr qýatymen qamtý úshіn kún panelderіn ornatqan. Mal sanynyń kóbeıýіne baılanysty shopanǵa arnalǵan ekіnshі úıdі jaraqtandyrý qajettіgі týyndap otyr. Kásіpker pılottyq jobaǵa qatysýǵa ótіnіm berdі. Aıtýynsha, qýaty 5 kVt bolatyn, sorǵysy jáne GPS datchıgі bar kún elektr stantsııasy kerek», - deıdі Baýyrjan Ahmetov.
Ekіnshіsі – Aıyrtaý aýdanynyń turǵyny, jeke kásіpker Vera Sýhovanyń shaǵyn qus fermasy. Oǵan kúnnen qýat alatyn elektr stantsııasy, temperatýra datchıgі men energııany paıdalanýdy baqylaıtyn júıe qajet. Óıtkenі, mamannyń aıtýynsha, qusty kútіp-baptaý, ınkýbator tıіstі rejımde jumys іstep, qajettі mıkroklımatty qalyptastyrý úshіn elektr qýaty kóp kerek.