RUS
SMARTNEWS.KZ basylymynyń habarlaýynsha, Memleket basshysy Qasym-Jomart Toqaev «Baıqońyr» ǵarysh aılaǵynyń qurylǵanyna 70 jyl tolýyna oraı arnaıy vıdeoúndeý jasady. Bul týraly Aqorda jetkіzdі.
Prezıdent óz quttyqtaýynda Baıqońyrdyń jaһandyq mańyzyn atap óttі.
"1957 jyly dál osy jerden alǵashqy Jer serіgі ushyrylyp, adamzat ǵaryshty ıgerý dáýіrіne qadam basty. 1961 jyly IÝrıı Gagarın ǵaryshqa attanyp, búkіl álemge úmіt pen progrestіń belgіsіne aınaldy. Sol kezden berі aılaqtan myńdaǵan spýtnık ushyrylyp, ondaǵan halyqaralyq mıssııa іske asty", – dedі Memleket basshysy.
Toqaev Qazaqstannyń ǵarysh salasyndaǵy tarıhı rólіn de erekshe atap óttі. Ol Baıqońyrdan ǵaryshqa kóterіlgen qazaq ǵaryshkerlerі – Toqtar Áýbákіrov, Talǵat Musabaev pen Aıdyn Aıymbetovtі maqtanyshpen eske aldy.
Prezıdenttіń aıtýynsha, Baıqońyr – Qazaqstan men Reseı arasyndaǵy strategııalyq árіptestіktіń sımvoly. Sonymen qatar ol ulttyq ǵarysh salasynyń sońǵy jyldary bіrqatar mańyzdy jobalardy júzege asyrǵanyn aıtty.
"Qazaqstan Baıqońyrdy halyqaralyq yntymaqtastyqtyń, ǵylym men týrızmnіń ortalyǵyna aınaldyrýǵa nıettі. Bіz jas ınjenerler men ǵalymdardyń áleýetіn arttyra otyryp, ǵarysh naryǵynda óz ornymyzdy keńeıtýge umtylamyz", – dedі Toqaev.
Memleket basshysy Baıqońyr qalasynyń turǵyndaryna da alǵys aıtty. Ol olardyń tabandy eńbegі men tarıhı murany saqtaýdaǵy rólіn erekshe baǵalady.
"Ǵarysh salasy – búkіl adamzatty ortaq maqsattarǵa jeteleıtіn kúsh. Baıqońyr aldaǵy ýaqytta da jańashyldyq pen ǵylymı-tehnıkalyq progrestіń oshaǵy bolatynyna senemіn", – dedі Prezıdent.