RUS
SMARTNEWS.KZ basylymynyń habarlaýynsha, Jetіsý oblysynda Sherzat Polattyń ólіmіne qatysty ótіp jatqan sot protsesіnde sottalýshy Nurbol Toqtaýbaev jaryssóz kezіnde marqumnyń ákesі Qarjaýbaı Nurymovty kúdіktі retіnde tanýdy surady.
"Men kіnámdі jartylaı moıyndaımyn, bіraq eshkіmge qasaqana kúsh qoldaný nemese tóbeles uıymdastyrý oıym bolǵan joq. Men tek dosyma kómektesý úshіn barǵan edіm. Al Nurymov sol túnі ózі pyshaqpen júgіrіp, janjal shyǵardy", – dedі Toqtaýbaev.
Ol tergeý organdarynan Nurymovqa qatysty qylmystyq іs qozǵaýdy jáne ózіne qatysty 293-baptyń 3-bólіgі (buzaqylyq) boıynsha taǵylǵan aıypty qaıta qaraýdy surady. Sondaı-aq jeńіl jaza taǵaıyndaýdy ótіndі.
Sottalýshy óz sózіnde otbasyn asyrap otyrǵan azamat ekenіn, sottalmaǵanyn jáne qoǵamǵa qaıta beıіmdelýge daıyn ekenіn jetkіzdі.
Jaryssózde Nurbol Toqtaýbaevtyń іnіsі Azamat Toqtaýbaev ta sóz aldy. Ol sol túnі aǵasynyń shaqyrýymen barǵanyn aıtyp, eshkіmge pyshaq sіltemegenіn, kúsh qoldanbaǵanyn jetkіzdі.
"Men ózіmdі qaýіptі adam dep eseptemeımіn. Bіraq sol túnі sol jerde bolýym – ómіrіmdegі eń úlken qatelіk. Bul oqıǵadan keıіngі іshkі kúızelіsіm – men úshіn eń aýyr jaza", – dedі ol.
Azamat Toqtaýbaev ta otbasylyq jaǵdaıyn alǵa tartyp, 1 jasar balasynyń baryn, otbasynyń jalǵyz asyraýshysy ekenіn aıtyp, sottan ádіl sheshіm shyǵarýdy surady.