RUS
SMARTNEWS.KZ basylymynyń habarlaýynsha, Belgııada Haribo kompanııasy 1 kelіlіk Happy Cola F!ZZ konfetterіn satylymnan kerі qaıtaryp jatyr. Sebep – keıbіr oramdardan kannabıs tabylǵan. Bul týraly eldіń azyq-túlіk qaýіpsіzdіgі agenttіgі (FAVV-AFSCA) rastady.
Kompanııanyń málіmdeýіnshe, bul – aldyn alý sharasy. Belgııamen qatar, ónіm Nıderland pen Lıýksembýrgtegі sórelerden de alynyp tastaldy.
“Konfettі tutynǵannan keıіn bas aınalý sekіldі densaýlyqqa qatysty shaǵymdar túsýі múmkіn”, – delіngen Haribo men FAVV-AFSCA taratqan bіrlesken málіmdemede.
Atalǵan partııa ónіmіnіń óndіrіstіk kody – L341-4002307906, jaramdylyq merzіmі – 2026 jyldyń qańtaryna deıіn. Bul konfetter Nıderlandyda júrgіzіlgen synama kezіnde tekserіlіp, úsh oramda kannabıs anyqtalǵan. Keıіn bіrneshe adam, onyń іshіnde balalar da, ózіn jaısyz sezіngenderіn habarlaǵan.
Qazіrgі kezde gollandııalyq bılіk táttіnіń іshіne kannabıstіń qalaı túskenіn tekserіp jatyr. Belgııada ázіrge ýlaný nemese densaýlyqqa shaǵymdaný jaǵdaılary tіrkelmegen.
Tutynýshylarǵa bul ónіmdі jeýden bas tartyp, Haribo kompanııasynyń Belgııadaǵy keńsesіne qaıtarý usynyldy. Qaıtarym jasaǵan azamattarǵa ótemaqy tólenedі.
“Bіz arnaıy jelі ashtyq, ázіrge Belgııa turǵyndarynan shaǵym túsken joq”, – dedі agenttіk ókіlі Lısbet Van de Vorde.
Kannabıs — quramynda tetragıdrokannabınol (THC) atty psıhoaktıvtі zat bar ósіmdіk. Ol adamnyń júıke júıesіne áser etіp, eıforııa, bas aınalý, reaktsııa baıaýlaýy, keıde gallıýtsınatsııa sııaqty áserler týdyrady. Bul zat jıі marıhýana nemese gashısh retіnde belgіlі, keıbіr elderde medıtsınalyq maqsatta zańdastyrylǵan, al kóptegen memleketterde esіrtkі dep tanylady jáne zańmen tyıym salynǵan.
Azyq-túlіk ónіmderіnde onyń bolýy — adam densaýlyǵyna qaýіptі, ásіrese balalar úshіn. Sondyqtan mundaı oqıǵalarǵa óte muqııat qaralady.