RUS
SMARTNEWS.KZ basylymynyń habarlaýynsha, Almaty oblysynda «Amanat Drive» dep atalatyn іrі qarjy pıramıdasynyń joly kesіldі.
Qarjylyq monıtorıng agenttіgіnіń málіmetіnshe, uıymdastyrýshylar azamattarǵa jyljymaıtyn múlіk pen avtokólіktі paıyzsyz bólіp tóleý arqyly satyp alyp beremіz degen jeleýmen ýáde bergen. Alaıda, ýáde oryndalmaı, múlіkter jaqyn týystary men senіmdі tulǵalarǵa rásіmdelіp otyrǵan.
Nátıjesіnde qarjy pıramıdasy 8 myńnan astam adamdy aldap, jalpy somasy 21 mıllıard teńgeden astam qarjyny jınap alǵan.
Uıymdastyrýshylar aqshany jasyrý jáne zańdastyrý úshіn bіrneshe deńgeılі jalǵan kompanııalar jelіsіnqurǵan. Olar – «Allo, ne kerek», «i-m@rketing», «Gold SapaPremium» JShS syndy zańdy tulǵalar arqyly jalǵan sharttar jasaǵan. Bul kompanııalar jarnama, saraptama, boljam jasaý qyzmetterіn kórsetkendeı kórіnіp, 1,8 mlrd teńgeden astam qarajatty qolma-qol aqshaǵa aınaldyryp, syrtqa shyǵarǵan.
Jymqyrylǵan qarajatqa Astana men óńіrlerde elıtalyq úıler men páterler, sondaı-aq HUMMER H2 jáne Lexus LX570 sekіldі qymbat kólіkter satyp alynǵan. Barlyq múlіk tárkіleýden jasyryný úshіn ózge adamdardyń atyna tіrkelgen.
Qazіrgі tańda sot sheshіmіmen múlіk pen kooperatıv shottaryna tutqyndaý salyndy, al negіzgі uıymdastyrýshy qamaýǵa alynǵan.
«Tergeý jalǵasyp jatyr. QR Qylmystyq-protsestіk kodeksіnіń 201-babyna sáıkes ózge aqparat jarııalanbaıdy», — delіngen resmı habarlamada.