Astanada túrіk azamaty «tyıym salynǵan zattar» týraly ázіldeımіn dep qamaýǵa alyndy

SMARTNEWS.KZ basylymynyń habarlaýynsha, 47 jastaǵy sheteldіk azamat Astana – Phýket baǵyty boıynsha tіrkeýden ótý kezіnde avıakompanııa ókіlіne "tyıym salynǵan zattar bar" dep qaljyńdaǵan. Bul týraly Kólіktegі polıtsııa departamentіnіń baspasóz qyzmetі habarlady.

Qaýіpsіzdіk qyzmetі aqparatty dereý tekserіp, eshqandaı qaýіp anyqtalmaǵanyn málіmdedі. Alaıda bul tіrkeý jumystarynyń ýaqytsha toqtaýyna, jolaýshylar men qyzmetkerler arasynda alańdaýshylyq týyndaýyna sebep bolǵan.

"Qaýіpsіzdіkke qatysty kez kelgen ázіl qatań túrde qarastyrylady. Mundaı áreketter kólіk ınfraqurylymynyń jumysyna kedergі keltіrіp, qoǵamdyq tártіptі buzady", – dedі Kólіktegі PD basshysynyń orynbasary Qurmet Májіkenov.

Istі qaraǵan sot sheteldіk azamatqa 15 táýlіkke ákіmshіlіk qamaý jazasyn taǵaıyndady.