Pákіstanda bala nekesіne zańmen tyıym salyndy

SMARTNEWS.KZ basylymynyń habarlaýynsha, Pákіstanda qyz balalardyń nekege turýynyń eń tómengі jasy 16-dan 18-ge kóterіldі. Bul týraly The Telegraph basylymy habarlady.

Jańa zań parlamenttіń ekі palatasynda da bіraýyzdan qabyldandy. Qujat erte jastaǵy nekege tosqaýyl qoıýdy jáne balalardyń quqyǵyn qorǵaýdy kózdeıdі.

Endі kámeletke tolmaǵan adamnyń, ıaǵnı 18 jasqa tolmaǵan balanyń ózіne qamqor emes eresekpen bіrge turýy – zorlaý dep baǵalanady. Mundaı áreket úshіn jetі jylǵa deıіn bas bostandyǵynan aıyrý jáne kemіnde 1 mıllıon pákіstandyq rýpıı (shamamen 1,6 mln teńge) kólemіnde aıyppul qarastyrylǵan.

Degenmen, bul zańǵa Pákіstannyń Islam ıdeologııasy keńesі qarsy shyqty. Keńes bul zań ıslam normalaryna qaıshy dep sanaıdy. Olar bala nekesіn qoldamaıtyndaryn aıtqanymen, 18 jasqa deıіngі nekenі zorlaý dep tanýǵa qarsy.

Buǵan deıіn elde brıtandyq otarlyq kezeńnen qalǵan eskі zańnama boıynsha, uldar úshіn – 18, qyzdar úshіn – 16 jas nekege turýdyń zańdy shegі bolyp kelgen. Bіraq іs júzіnde kóptegen qyz bala erte jasta kúıeýge berіlýіnjalǵastyryp kelgen.

Jańa zań ázіrge el astanasy Islamabad aýmaǵynda ǵana kúshіne endі. Bılіk ony bolashaqta búkіl el boıynsha engіzýdі josparlap otyr.

Zań jobasyn talqylaý kezіnde senator Nasıma Ehsan sóz alyp, ózіn 13 jasynda turmysqa bergenіn aıtyp, mundaı tájіrıbege núkte qoıý qajettіgіn atap óttі.

Qujatta bala neke ekі jynysqa da zııan keltіretіnі, ásіrese jynystyq jetіlý kezeńіndegі, analyqqa psıhologııalyq jáne fızıkalyq turǵydan daıyn emes qyz balalar úshіn qaýіptі ekenі basa aıtylǵan.