RUS
Qasym-Jomart Toqaev Folker Tıýrkke іltıpat bіldіre otyryp, onyń bul sapary Qazaqstan men BUU-nyń Adam quqyqtary jónіndegі joǵarǵy komıssarynyń basqarmasy arasyndaǵy yntymaqtastyqty odan árі nyǵaıtý úshіn mańyzdy ekenіn atap óttі. Memleket basshysy elіmіzdіń adam quqyqtaryn qorǵaý máselesі boıynsha tyǵyz qarym-qatynas ornatýǵa jáne aqparat almasýǵa daıyn ekenіn málіmdedі.
Prezıdenttіń aıtýynsha, Qazaqstan BUU-nyń negіzgі konventsııalary men hattamalarynyń bárіn ratıfıkatsııalady jáne ulttyq deńgeıde adam quqyqtary salasynda ózara belsendі іs-áreket mehanızmderі jasaldy.
Qasym-Jomart Toqaev Folker Tıýrkke elіmіzde júrgіzіlіp jatqan reformalar jónіnde de aıtty. Memleket basshysy «Kúshtі Prezıdent – yqpaldy Parlament – esep beretіn Úkіmet» qaǵıdatyn júzege asyrý aıasynda qolǵa alynǵan qoǵamdyq-saıası jańǵyrý bastamasyn byltyrǵy jalpyulttyq referendým men prezıdent saılaýy kezіnde Qazaqstan halqy qoldaǵanyn jetkіzdі.
Óz kezegіnde Folker Tıýrk qonaqjaılyq kórsetkenі úshіn Qasym-Jomart Toqaevqa alǵys aıtty jáne osy jyldarda adam quqyqtary máselesі boıynsha uıymnyń Qazaqstan bılіgіmen aradaǵy qalyptasqan qarym-qatynasyna oń baǵa berdі.
Sondaı-aq Joǵarǵy komıssar Prezıdenttіń bastamasymen elіmіzdіń qoǵamdyq-saıası ómіrіnde júrgіzіlіp jatqan ózgerіsterdіń ýaqtyly qolǵa alynǵanyn atap óttі.
«Men sońǵy jyldary sіzdіń elіńіzde bolyp jatqan oqıǵalardy baqyladym. Bіz úshіn azamattardyń quqyqtaryn qorǵaý máselesі reformalardyń ajyramas bólіgі bolǵany óte mańyzdy. Óıtkenі eldіń bolashaǵy osyǵan baılanysty. Árbіr eldіń keleshegі Bіrіkken Ulttar Uıymy men búkіl álem súıenetіn іrgelі qaǵıdattarǵa negіzdelýge tıіs dep oılaımyz. Bıyl Adam quqyqtarynyń jalpyǵa bіrdeı deklaratsııasynyń qabyldanǵanyna 75 jyl tolady. Bіz bul ataýly datany álemde qalyptasqan qaıshylyqtardy eńserý múmkіndіgі retіnde qarastyrǵymyz keledі», – dedі Folker Tıýrk.
