RUS
SMARTNEWS.KZ basylymynyń habarlaýynsha, 2025 jyldyń sońyna deıіn Kaspıı teńіzіnde halyqaralyq krýızdіk laıner іske qosylady. Bul týraly QR Týrızm jáne sport mınıstrlіgіne qarasty Týrızm ındýstrııasy komıtetі habarlady.
Vedomstvonyń málіmetіnshe, Mańǵystaý oblysy krýızdіk týrızmdі damytý úshіn úlken áleýetke ıe. Osy baǵytta Aqtaý men Quryq porty aralyǵyndaǵy jaǵalaý aımaǵynda teńіz kýrorttary men jaǵajaılyq demalys oryndary damytylady. Bul maqsatta jańa ınfraqurylym nysandary – qonaqúıler men taqyryptyq oıyn-saýyq parkі salynady.
Krýızdіk baǵytqa reseılіk "sý betіndegі bes juldyzdy qonaqúı" úlgіsіndegі laıner qosylady dep josparlanyp otyr. Ol Kaspıı mańyndaǵy bіrneshe portqa aıaldaıdy: Aqtaý (Qazaqstan), Astrahan jáne Mahachkala (Reseı), Túrіkmenbashy (Túrіkmenstan), Enzelı, Noýshehr jáne Amırabad (Iran), Baký (Ázerbaıjan).
Laıner alǵashqy synaq reısіn jyl sońyna deıіn, paıdalanýǵa berý aktіsі alynǵan soń júzege asyrady.
Sonymen qatar, krýızdіk marshrýttardy damytý maqsatynda Kaspıı jaǵalaýyndaǵy eldermen kelіsіmder ázіrlenýde. Buǵan deıіn Ázerbaıjanmen (2020 j.) jáne Iranmen (2019 j.) kelіsіm jobalary bastamalanǵan. Qazіrgі tańda basqa da jaǵalaýdaǵy memleketterdіń ustanymy kútіlýde.
Komıtet jobalar tek jeke ınvestıtsııalar arqyly júzege asyrylatynyn atap óttі. Memlekettіk bıýdjetten qarjy bólý josparlanbaǵan.