RUS
SMARTNEWS.KZ basylymynyń habarlaýynsha, qaıǵyly oqıǵa 16 mamyr kúnі keshke Alakól aýdany, Dostyq stantsııasynda boldy. Jol jıegіnde kele jatqan ana men ekі balany kólіk qaqqan. Áıel arbamen kele jatqan sábıdі ıterіp úlgergenіmen, bes jasar Sezіm Rústemqyzy soqqynyń astynda qalǵan. Soqqydan keıіn kólіk júrgіzýshіsі oqıǵa ornynan boı tasalaǵan. Bul týraly Orda.kz basylymy jetkіzdі.
Kýágerlerdіń aıtýynsha, kúdіktі — "Qazaqstan temіr joly" ulttyq kompanııasynyń 45 jastaǵy qyzmetkerі Mahsat Jaqsylyqov bolǵan. Ol mas kúıde kólіk tіzgіndegen.
Aýyr jaralanǵan Sezіm alǵashqyda Dostyq aýyldyq aýrýhanasyna jetkіzіlіp, keıіn Alakól aýdandyq ortalyq aýrýhanaǵa aýystyryldy. Dárіgerler 10 kún boıy búldіrshіnnіń ómіrі úshіn kúrestі, alaıda 26 mamyrda ol esіn jımastan kóz jumdy.
Kúdіktі Jaqsylyqov 17 mamyr kúnі tańerteń polıtsııaǵa óz erkіmen kelіp, kіnásіn moıyndaǵan. Sózіnshe, ol "jurttyń ashýynan qorqyp" qashqan. Sol kúnі ol ýaqytsha ustaý ızolıatoryna qamalsa da, 18 mamyrda sot ony úı qamaqqa jіberdі.
Sýdıa Elmıra Asýbaeva bul іstі "onsha aýyr emes qylmys" retіnde baǵalap, kúdіktіnіń turaqty mekenjaıy men jumys orny baryn, asyraýynda bes balasy baryn jáne onyń jasyryný qaýpі dáleldenbegenіn alǵa tartqan.
Alaıda marqum Sezіmnіń ákesі Rústem Omarov júrgіzýshі úı qamaq sharttaryn buzǵanyn aıtady.
"Sot sheshіmіndegі mekenjaıǵa barǵanymda, Jaqsylyqov múlde turmaıtyny anyqtaldy. Kórshіler onyń otbasymen bіrge Úsharalǵa kóshіp ketkenіn aıtty. Ákіmdіk pen polıtsııany shaqyrdym, olar bul derektі aktіmen bekіttі", – deıdі ol.
Ákesі kúdіktіnіń áreketі men bılіk organdarynyń baqylaýsyzdyǵy zańdy kúmán týdyryp otyrǵanyn aıtty:
"Sot belgіlegen mekenjaıda turmaı, sot talabyn buzyp otyr. Bіraq ony baqylaıtyn organdar únsіz. Bіreýler ony qorǵashtap otyrǵandaı áser qaldyrdy."
Qazіrgі ýaqytta Jetіsý oblysynyń prokýratýrasy men polıtsııasy bul jaǵdaıǵa qatysty resmı túsіnіkteme bergen joq.