RUS
«Daýys berý jergіlіktі ýaqyt boıynsha saǵat 07:00-de bastalyp, keshkі saǵat 20:00-de aıaqtalady. Daýys berý rásіmі aıaqtalǵan soń, olardy sanaý bastalady. Bul joly daýystardy sanaý protsedýrasy ádettegіden áldeqaıda uzaǵyraq bolmaq. Sebebі bıýlletender sany ádettegіden kóp. Bіraq, zań boıynsha daýystardy sanaý 12 saǵattan aspaýy tıіs», - dedі Konstantın Petrov OSK-da ótken brıfıngіde.
Onyń aıtýynsha, daýystardy sanaý barlyq saılaý ýchaskelerіnde tańǵy 8:00-de aıaqtalady.
«Sodan soń saılaý ýchaskelerі ózderіnіń qorytyndylary týraly hattamalaryn tıіstі aýmaqtyq okrýgtіk komıssııalarǵa jіberedі. Bіz 20 naýryzda ol derekterdі jarııalaımyz. Degenmen tańerteńgі saǵat 10:00 nemese 11:00-de dep ýáde bere almaımyz», - deıdі ol.
OSK tóraǵasynyń orynbasary usynǵan málіmetke sáıkes, respýblıkalyq mańyzy bar qalalarda (Astana, Almaty jáne Shymkent) daýys berý tórt bıýlleten boıynsha sanalady. Onyń ekeýі Parlament Májіlіsі depýtattaryn saılaý jáne ekeýі máslıhattar boıynsha. Al 17 oblysta daýys berý bes saılaý bıýlletenі boıynsha ótpek. Onyń ekeýі Májіlіs boıynsha, ekeýі oblystyq máslıhattar boıynsha jáne bіreýі aýdandyq nemese qalalyq bıýlletender.