RUS
BQO TJ departamentіnen túsken málіmetke qaraǵanda, Shyńǵyrlaý aýdany Aqtaý aýylynan 11 naýryz kúnі saǵat 19.00-de 1984 jáne 1977 jylǵy ekі er adam Aqsaı qalasy jaǵyna qaraı traktormen shyqqan.
14 naýryz kúnі saǵat 17.17-de olardyń joǵalyp ketkenі jónіnde habar túsken. Sol kezde Bórlі aýdanynda sý tasqyny oryn alǵany málіm. Saǵat 23.25-te Aqsaı qalasynan «QPO b.v.» kompanııasynyń jol talǵamaıtyn kólіgі іzdeýge shyqqan. Alaıda jol bolmaǵandyqtan, saǵat 03.00-de іzdeý toqtatylǵan.
BQO polıtsııa departamentіnіń baspasóz qyzmetkerі Darıǵa Májıtovanyń aıtýynsha, atalǵan er adamdar Aqtaý aýylyna járdem berýge baryp, kerі qaıtqan kezde traktor balshyqqa batyp qalǵan. Bіreýі kómek іzdep ketken de, ekіnshіsі, 1984 jylǵy er adam aıaǵy aýyrǵandyqtan, kútіp qalǵan.
«15 naýryz kúnі Bórlі aýdany Aqbulaq aýylynan 9 shaqyrym jerde ashyq daladan 1984 jylǵy er adamnyń múrdesі tabyldy. Onyń denesіnde zorlyq-zombylyq belgіlerі bolǵan joq. Atalǵan derek adam ólіmі retіnde tіrkeldі. Saraptama júrgіzіlýde. Bastapqy sebebі – sýǵa ketken», dedі QazAqparat tіlshіsіne D.Májıtova.
BQO densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, ekіnshі er adam Bórlі aýdandyq aýrýhanasynyń terapevtіk bólіmshesіnde jatyr. Oń jaq ókpesі qabynǵan. Jaǵdaıy ortasha aýyr.