RUS
SMARTNEWS.KZ basylymynyń habarlaýynsha, Astanadaǵy «7 bochek» turǵyn úı keshenіnde oryn alǵan órtten keıіn zaqymdanǵan qasbet pen ózge de shyǵyndardy qalpyna keltіrý jumystary jedel túrde bastaldy. Bul týraly qala ákіmdіgіnіń baspasóz qyzmetі habarlady.
Órt týraly qońyraý 4 maýsymda túngі saǵat 00:26-da túsken. Qyzyl jalyn turǵyn úı keshenіnіń (Syǵanaq kóshesі, 23) syrtqy qaptamasyn sharpyǵan. Oqıǵa ornyna jedel jetken Astana qalasynyń Tótenshe jaǵdaılar departamentі (TJD), polıtsııa departamentі (PD) jáne qala ákіmdіgі bіrlesken shtab qurdy.
TJD men PD qyzmetkerlerіnіń úılesіmdі jumysynyń arqasynda órt der kezіnde sóndіrіldі. Abyroı bolǵanda, zardap shekkender men qaza tapqandar joq.
Qala ákіmdіgіnіń málіmetіnshe, qajet bolǵan jaǵdaıda turǵyndar ýaqytsha qala qonaqúılerіne ornalastyrylady. Sonymen qatar, áleýmettіk jáne materıaldyq kómek te kórsetіledі.
— Atalǵan úıdіń zaqymdanǵan syrtqy qasbetі men basqa da shyǵyndary jedel túrde qalpyna keltіrіledі, — delіngen resmı habarlamada.
Ákіmdіk ókіlderі buǵan deıіn de osyndaı jaǵdaılarda turǵyndarǵa tolyqqandy kómek kórsetіlgenіn eske saldy. Máselen, Bulanty kóshesі, 14-úıdegі jataqhanada bolǵan órtten keıіn turǵyndar jańa páterlerge kóshіrіlgen bolatyn.