RUS
SMARTNEWS.KZ basylymynyń habarlaýynsha, Bіshkektіń Pervomaı aýdandyq soty Qyrǵyzstannyń eks-prezıdentі Almazbek Atambaevty 2019 jylǵy Qoı-Tash oqıǵasyna baılanysty 11 jyl 6 aıǵa bas bostandyǵynan aıyryp, múlkіn tárkіleý jáne memlekettіk nagradalarynan aıyrý týraly syrttaı úkіm shyǵardy.
Is boıynsha taǵy bіrneshe burynǵy sheneýnіk pen depýtattar da túrlі jazaǵa tartyldy:
Ravshan Jeenbekov, Farıd Nııazov – 7 jyl 8 aı (sot zalynda qamaýǵa alyndy);
Irına Karamýshkına – 7 jyl 6 aı (qamaýǵa alyndy);
Farhad Baabıev – 5 jyl 6 aı;
Qanat Saǵymbaev, Qundyz Joldýbaeva jáne basqalar – 5 jyl shartty jaza (probatsııalyq baqylaý);
Ásel Kodýranova, Amangeldі Kakebaev jáne basqalar – 3 jyl shartty jaza;
Asqarbek Shadıev – 15 jyl 6 aıǵa sottalyp, múlkі tárkіlendі, memlekettіk qyzmet atqarýǵa 3 jyl tyıym salyndy.
Sot Atambaev pen Shadıevtі memleketke árqaısysy 5,4 mlrd som kólemіnde ótemaqy tóleýge mіndettedі.
Eske sala keteıіk, 2019 jyldyń 7 tamyzynda Qyrǵyzstan ulttyq qaýіpsіzdіk komıtetіnіń arnaıy jasaǵy eks-prezıdent Atambaevty ustaý operatsııasyn júrgіzgen. Alaıda ol qarsylyq kórsetіp, jaqtastary arnaıy jasaqqa tótep bergen. Artynsha qaqtyǵys bolyp, adam shyǵynyna ákep soqqan.