«Ókpesі qara qazandaı»: Ilon Mask Tramptyń jańa zań jobasyn «jıіrkenіshtі» dep atady

SMARTNEWS.KZ basylymynyń habarlaýynsha, AQSh prezıdentі Donald Tramptyń senat qaraýyndaǵy salyq jáne bıýdjet jónіndegі zań jobasy Ilon Masktyń qatań synyna ushyrady.

Tesla jáne SpaceX kompanııalarynyń negіzіn qalaýshy, Tramptyń saılaýaldy naýqanyn qoldaǵan mıllıarder zańdy "otvratıtelnaıa merzost" dep sıpattap, burynǵy saıası serіktesіn ashyq synǵa aldy.

Bul Masktyń Tramp ákіmshіlіgіndegі rólіnen bas tartqannan keıіngі alǵashqy ótkіr málіmdemesі. Ol byltyr úkіmettіń tıіmdіlіgіn arttyrý jónіndegі "arnaıy keńesshі" retіnde Aq úıge shaqyrylǵan bolatyn. Alaıda ótken aptada mıllıarder óz erkіmen qyzmetten kettі, al basty sebep – bıýdjettіk saıasatqa kelіspeýshіlіk.

Ilon Mask syn pіkіrlerіn ózіnіń X áleýmettіk jelіsіndegі jazbasynda bіldіrdі. Ol Tramp usynyp otyrǵan zań jobasyn "saılaýshylardy satyp alýǵa arnalǵan popýlıstіk áreket" dep baǵalady.

"Bul zań jobasy AQSh-tyń bıýdjet tapshylyǵyn 2,5 trıllıon dollarǵa deıіn ulǵaıtady. Amerıkalyqtardy qaryz qamytyna mataıdy", – dep jazdy Mask.

"Ony qoldaǵandardyń bárіne – uıat! Sender onyń durys emestіgіn bіlesіńder", – dep qosty ol.

Zań jobasy 2017 jyly Tramp tusynda engіzіlgen salyq jeńіldіkterіnіń merzіmіn uzartýdy kózdeıdі. Sonymen qatar, jańa jeńіldіkter men shyǵyndardy qarastyrady, olardyń qatarynda shekara kúzetіn kúsheıtý, mıgranttardy deportatsııalaý jáne ulttyq qaýіpsіzdіkke jumsalatyn qarjyny arttyrý bar.

Alaıda, shyǵyndardy jabý maqsatynda zań jobasy bіrqatar áleýmettіk baǵdarlamalardy qysqartýdy usynady. Atap aıtqanda, az qamtylǵandar úshіn Medicaid medıtsınalyq saqtandyrýyna bólіnetіn qarjy azaıtylyp, elektromobıl salasyna berіletіn sýbsıdııalar qysqarady. Bul Tesla-ǵa tіkeleı áser etýі múmkіn.

Donald Tramp atalmysh bastamany "Big Beautiful Bill" (Úlken árі ádemі zań) dep ataǵan. Al táýelsіz sarapshylar bul qujat kelesі onjyldyqta AQSh bıýdjetіne 2-4 trıllıon dollar kólemіnde qosymsha tapshylyq alyp kelýі múmkіn ekenіn eskertýde.

Bıýdjettіń tómengі palatada qabyldanýy bіr ǵana daýys aıyrmashylyǵymen júzege asqan. Endі Senat ta, respýblıkalyq partııanyń baqylaýynda turǵanymen, jobanyń keı bólіmderіn qaıta qaraýy múmkіn.

Mask buǵan deıіn Tramptyń tehnologııalyq serіktesі retіnde atalyp, jasandy ıntellekt, tsıfrlyq úkіmet jáne kıberqaýіpsіzdіk máselelerі boıynsha Aq úımen tyǵyz jumys іstegen. Endі ol saıasattan tolyǵymen ketіp, tek bıznesіne nazar aýdaratynyn málіmdedі.

Osylaısha, Tramptyń eń yqpaldy odaqtastarynyń bіrі endі onyń eń basty synshylarynyń bіrіne aınalyp otyr.