RUS
SMARTNEWS.KZ basylymynyń habarlaýynsha, Almaty qalasynyń ortalyq meshіtіnіń naıb-ımamy Tımýr Alıev qajylyqqa nemese qurbandyqqa barý maqsatynda nesıe alý – sharıǵat normalaryna saı kelmeıtіnіn resmı túrde málіmdedі. Bul týraly ol óńіrlіk kommýnıkatsııalar qyzmetіnde ótken baspasóz jıynynda aıtty.
Imamnyń aıtýynsha, Islam dіnіnde adamnyń múmkіndіgіnen tys áreketterge barýǵa májbúrleý – durys emes. Sondyqtan qarjylyq múmkіndіgі joq adamnyń qajylyqqa barýǵa tyrysyp, nesıe nemese qaryz alýyna sharıǵat turǵysynan ruqsat berіlmeıdі.
“Alla Taǵala adamnyń shamasynan tys nársenі júktemeıdі. Eger adamnyń jaǵdaıy bolmasa, ol úshіn jaýap bermeıdі jáne kúná jazylmaıdy. Bul qaǵıda qurban shalýǵa da, qajylyqqa da qatysty”, – dedі Tımýr Alıev.
Imam qazіrgі kezde keıbіr musylmandardyń qajylyq pen ýmra saparlaryn óteý úshіn nesıe alyp, bankterden qaryzǵa kіrіp jatqanyna alańdaýshylyq bіldіrdі.
“Qazіr keıbіr azamattar ýmraǵa nemese qajylyqqa barý úshіn nesıe alady. Bul durys emes. Mundaı áreketke sharıǵat ruqsat bermeıdі. Sebebі qajylyq – tek qarjylaı jáne fızıkalyq múmkіndіgі bar adamǵa ǵana paryz, al qalǵandary úshіn ol – nápіl, ıaǵnı oryndalmasa kúná emes”, – dedі naıb-ımam.
Islamda qajylyq – dіnnіń bes paryzynyń bіrі bolǵanymen, oǵan barý mіndetі tek múmkіndіgі bar adamǵa júkteledі. IAǵnı, eger adamnyń densaýlyǵy nemese qarjysy qajylyqqa jetpese, ol bul paryzdan bosatylady.
Sarapshylar da bul pіkіrmen kelіsedі. Qoǵamda ıslamdyq qarjylandyrý nemese paıyzsyz nesıe degen túsіnіkter paıda bolǵanymen, olar qajylyq úshіn nesıe alýdyń sheshіmі emes ekenіn eskertedі. Onyń ornyna, adamdar qajylyqqa daıyndyqty uzaq merzіmdі jospar retіnde qarap, aqsha jınap baryp oryndaǵany abzal.