RUS
SMARTNEWS.KZ basylymynyń habarlaýynsha, 2024 jyly Ekologııa jáne tabıǵı resýrstar mınıstrlіgі men onyń bólіmshelerіndegі jemqorlyq faktіlerі boıynsha 15 qylmys tіrkelіp, 8 qyzmetker sottaldy. Bul týraly Sybaılas jemqorlyqqa qarsy іs-qımyl agenttіgі málіmdedі.
Agenttіktіń Kazinform saýalyna bergen jaýabynda:
"Bul qylmystardy jasaýda 9 adam áshkerelendі. Memleketke kelgen zalal – 167,3 mln teńge, onyń 45 mıllıony ǵana qaıtaryldy", – delіngen.
Eske salsaq, buǵan deıіn "Bókeıorda" tabıǵı rezervatynyń basshysy jemqorlyq kúdіgіne іlіngenі habarlanǵan bolatyn.
Sonymen qatar agenttіk "Ertіs ormany" men "Semeı ormany" rezervattaryna syrtqy taldaý júrgіzіp, salada júıelі jemqorlyq táýekelderіn anyqtaǵan. Nátıjesіnde arnaıy Jol kartasy bekіtіlіp, ekologııa salasyndaǵy jemqorlyqpen kúresýge baǵyttalǵan vedomstvoaralyq keńes ótken.
"Mınıstrlіkke іshkі taldaý júrgіzіp, táýekelderdі azaıtý usynyldy", – dep qosty Antıkor ókіlderі.