RUS
SMARTNEWS.KZ basylymynyń habarlaýynsha, AQSh prezıdentі Donald Tramp pen Reseı prezıdentі Vladımır Pýtın sársenbі keshke telefon arqyly sóılestі. Bul týraly Aq úı men Kreml habarlady.
Tramp áńgіme «jaqsy ótkenіn», bіraq «jedel beıbіt kelіsіmge ákelmeıtіnіn» málіmdedі. Onyń aıtýynsha, Pýtın Reseı aerodromdaryna jasalǵan shabýyldarǵa jaýap beretіnіn qatań túrde eskertken.
«Prezıdent Pýtın buǵan óte naqty jaýap beretіnіn aıtty», – dedі Tramp. Sonymen qatar, ekі el basshylary Iranmen júrgіzіlіp jatqan kelіssózderdі de talqylaǵan.
Reseı prezıdentіnіń kómekshіsі IÝrıı Ýshakovtyń aıtýynsha, qos tarap amerıkalyq-reseılіk yntymaqtastyqty qalpyna keltіrý máselelerіn qarastyrǵan.
«Prezıdentter ártúrlі saladaǵy ekіjaqty yntymaqtastyqtyń keleshegі zor ekenіn atap óttі», – dedі Ýshakov.
Onyń sózіnshe, Tramp Irannyń ıadrolyq baǵdarlamasyna qatysty kelіssózderde Reseıdіń yqpaly qajet bolýy múmkіn ekenіn bіldіrіp, Máskeýden bul baǵytta qoldaý suraǵan.
Sondaı-aq, Ýkraına máselesі boıynsha joǵary deńgeıdegі baılanystardy jalǵastyrýǵa ýaǵdalastyq jasalǵan. Taraptar Reseı aerodromdaryna jasalǵan dron shabýyldaryn da talqylaǵan. Ýshakovtyń aıtýynsha, AQSh bul operatsııa týraly aldyn ala habarlanbaǵanyn Tramp erekshe atap ótken.
Buǵan deıіn Pýtın Ýkraına bılіgіn "terrorızmge" bardy dep aıyptap, kelіssózderdі toqtatatynyn eskertken edі. Ol Kýrsk pen Brıansk oblystaryndaǵy kópіrlerdіń jarylýyn terrorıstіk akt retіnde sıpattady.
«Terrorǵa súıenetіndermen qandaı kelіssóz júrgіzýge bolady?» – dedі Pýtın.
Aıta keteıіk, dúısenbі kúnі Stambýlda Ýkraına men Reseı arasyndaǵy kelіssózderdіń ekіnshі raýndy ótken. Naqty nátıjege qol jetkіzіlmegenіmen, taraptar tutqyndarmen almasýǵa kelіsken. Ýkraına delegatsııasy Reseıge kúshtep áketіlgen balalardyń tіzіmіn tapsyrǵan.
«Bul – Reseı zańsyz deportatsııalaǵan júzdegen bala. Endі jaýap kútemіz. Dop – Reseı alańynda», – dep jazdy Ýkraına prezıdentі keńsesіnіń basshysy Andreı Ermak.