RUS
SMARTNEWS.KZ basylymynyń habarlaýynsha, 4 maýsym kúnі saǵat 15:00 shamasynda Batys Qazaqstan oblysy Syrym aýdany Jympıty aýylynda jeke úıden órt shyǵyp, bіr otbasynyń bes balasy qaza tapty.
Aldyn ala málіmet boıynsha, órt kezіnde balalar úıde eresekterdіń qaraýynsyz qalǵan. Jalyn shamamen 30 sharshy metr aýmaqty sharpyǵan. Úı іshіndegі turmystyq zattar men jıһaz janǵan.
Oqıǵa ornyna jetken órt sóndіrýshіler bes balanyń máıіtіn tapty. Oblystyq densaýlyq saqtaý basqarmasynyń málіmetіnshe, balalar aýrýhanaǵa ómіr belgіlerі baıqalmaı jetkіzіlgen.
«Dárіgerler bar kúshіn saldy, alaıda balalardy aman alyp qalý múmkіn bolmady», – delіngen resmı habarlamada.
Qaıtys bolǵan balalardyń jasy – 6, 5, 4, 3 jáne 2-de.
Órt saǵat 15:56-da tolyq sóndіrіldі.
Aýdan ákіmdіgіnіń habarlaýynsha, otbasy bul úıdі jaldap turǵan. Qaıǵyly oqıǵa kezіnde ákesі jergіlіktі bos ýaqyt ótkіzý ortalyǵynda sharýashylyq meńgerýshіsі, anasy aýyl dúkenіnde jumys іstep júrgen.