RUS
SMARTNEWS.KZ basylymynyń habarlaýynsha, Qaraǵandy oblysynda anasy 15 jastaǵy qyzyn 38 jastaǵy er adamǵa turmysqa bergenі úshіn ata-analyq quqyqtan aıyrylýy múmkіn.
Qaraǵandy oblysynyń Abaı qalasynda 15 jastaǵy qyzyn 38 jastaǵy er adamǵa turmysqa bergen áıelge qatysty tergeý júrіp jatyr. Qyz bala «kúıeýіnen» bes kúnnen keıіn qashyp ketіp, týǵan ákesіne júgіngen. Ákesі bіrden polıtsııaǵa shaǵym túsіrіp, burynǵy jubaıyn ata-analyq quqyqtan tolyq aıyrýdy talap etýde.
Onyń aıtýynsha, anasy qyzyn úılenýge kóndіrіp, mektepten qashyqtan oqytýǵa kóshіrgen. Boljam boıynsha, áıeldіń bul sheshіmі dіnı kózqarasqa baılanysty bolǵan.
Qyz bala bolǵan jaıtty kámeletke tolmaǵandar іsі jónіndegі komıssııa otyrysynda da rastaǵan. Bіlіm bólіmі ókіlі Marına Strelnıkova:
«Balanyń aıtýynsha, ony turmysqa bergen. Ol bes kún boıy úıde bolmaǵan. Anasy osy ýaqyt іshіnde polıtsııaǵa habar bermegen. Komıssııa sotqa júgіnýdі oryndy dep sanady», – dedі.
Qazіr anasynyń ata-analyq quqyǵyn shekteý máselesі sotta qaralyp jatyr. Qyzdyń ákesі men mektep ókіlderі onyń áreketіn kámeletke tolmaǵan balanyń qaýіpsіzdіgіne qater tóndіredі dep esepteıdі. Sot sheshіmі keıіnіrek jarııalanady.