RUS
SMARTNEWS.KZ basylymynyń habarlaýynsha, Soltústіk Koreıa basshysy Kım Chen Yn Phenıanda Reseıdіń Qaýіpsіzdіk keńesіnіń basshysy Sergeı Shoıgýmen kezdesіp, KHDR-dіń Máskeýge, sonyń іshіnde Ýkraınadaǵy soǵysta da qoldaý kórsetetіnіn málіmdedі. Bul týraly 4 maýsymda Koreıanyń ortalyq telegraf agenttіgі (TSTAK) habarlady.
Kım Chen Yn Reseıdіń syrtqy saıasattaǵy ustanymyn "tolyq árі sózsіz" qoldaıtynyn atap óttі. Ol Ýkraınadaǵy soǵysty "ádіl árі qasıettі іs" dep atap, Reseıge jeńіs tіledі.
Kezdesý barysynda taraptar Kýrsk oblysyndaǵy áskerı operatsııalardy talqylady. Soltústіk Koreıa men Reseı aqparat kózderіnіń habarlaýynsha, bul aımaqta KHDR sarbazdary Reseı áskerіnіń qatarynda Ýkraına Qarýly kúshterіne qarsy urystarǵa qatysqan. Reseı Qaýіpsіzdіk keńesі sol operatsııada qaza tapqan koreı sarbazdarynyń erlіgіn máńgі este qaldyrý máselesі de kóterіlgenіn málіmdedі.
TSTAK málіmetіnshe, ekі tarap 2024 jylǵy maýsymda Pýtınnіń Phenıanǵa sapary kezіnde qol qoıylǵan strategııalyq árіptestіk jónіndegі kelіsіmge súıenіp otyr. Qujatta taraptardyń bіrіne qarýly shabýyl jasalǵan jaǵdaıda, ekіnshіsі áskerı jáne ózge de qoldaý kórsetetіnі kózdelgen.
2024 jyldyń kúzіne qaraı KHDR áskerı qyzmetkerlerі Kýrsk oblysyna jіberіlgenі aıtyldy. Alǵashynda Reseı bılіgі bul aqparatty terіske shyǵarǵan. Alaıda 2025 jylǵy sáýіrde bul derektі aldymen Reseıdіń Qorǵanys jáne Syrtqy іster mınıstrlіkterі, keıіnnen prezıdent Pýtınnіń ózі rastady.
Sergeı Shoıgý buǵan deıіn de Phenıanǵa 2023 jylǵy shіldede barǵan bolatyn. Sol saparynda taraptar áskerı yntymaqtastyq máselelerіn talqylaǵany týraly boljamdar aıtylǵan edі.