RUS
Týystarynyń sózіnshe, aýyldyń sotqarlary ózіnen jasy kіshі balalardan únemі aqsha jınap kúsh kórsetedі eken. Bul týraly KTK telearnasy habarlady.
Ish qurylysyna zaqym kelgen 9-synyp oqýshysy úsh kún buryn aýrýhanada qaıtys bolǵan. Qaıǵyly oqıǵadan keıіn qylmystyq іs qozǵalyp, sot-medıtsınalyq saraptama taǵaıyndalǵan. Aýrýhanada kóz jumǵan 14 jastaǵy balany týystary keshe ǵana jerlegen.
"Úıge keldі, on jarym, on bіr kezіnde. Keldі de, qusty. Qusqan soń jedel járdem shaqyrdym. "Mіne, balańyzdy kórіńіz, іshekterі jarylyp, іrіńdep ketken. Ishіn qatty soqqan, qan uıyp qalǵan" dedі. Balam sap-saý júrgen. Osyndaı bolady dep oılamadym", - Aıbolat Murathannyń anasy Saırat Uǵybaı.
Marqumnyń telefonyn qarap shyqqan jaqyndary aýyldyń sotqarlary ózіnen jasy kіshі balalardy bopsalap, únemі aqsha jınaıtynyn bіlіptі. Marqumnyń aǵalary іnіmіz taıaq jep, aýyr jaraqattan baqılyq bolǵanyna senіmdіmіz deıdі.
"Marqum bolǵan іnіmіzdіń telefonynan joǵary synyp oqýshylarynyń aqsha suraǵanyn, qansha suraǵanyn, ne úshіn suraǵanyna deıіn jazylǵan. Bіreýdіń Kaspi red-іn jaýyp bergen. Bіreýdіń mashınasyn jóndeýge alǵan. Bіreýge kalıan ákep bergen. Bіraq Eńbekshіqazaq aýdany polıtsııasy bólіmіnіń іs-áreketі túsіnіksіz. Tergeýdіń ádіl júrgіlýіn suramaımyz, talap etemіz", - Marqumnyń aǵasy Talǵat Nurman.
Osy oqıǵa boıynsha qylmystyq іs qozǵalyp, tergeý júrgіzіlіp jatyr. Polıtsııa máıіttі tekserý barysynda marqumnyń denesіnen zorlyq-zombylyqtyń belgіlerі tabylmaǵanyn jetkіzdі.
"Aryz QR Qylmystyq kodeksіnіń 106-baby boıynsha tіrkeldі. Máıіttі tekserý hattamasynda balanyń denesіnde zorlyq-zombylyqty ólіm belgіlerі joq ekendіgі anyqtaldy. Ólіm sebebіn anyqtaý úshіn qajettі suraqtar qoıylǵan sot-medıtsınalyq saraptama taǵaıyndaldy", - Almaty oblystyq polıtsııa departamentіnіń resmı ókіlі Ernar Saıdіldın.
Balanyń ólіmіne naqty ne sebep bolǵany sot-medıtsınalyq saraptama qortyndysynan keıіn belgіlі bolady. Al balasynan aıyrylǵan otbasy tergeý ádіl júrgіzіlіp, kіnálіlerdіń tıіstі jazasyn alýyn talap etedі.