RUS
Bıyl Aýstralııa ashyq chempıonatynyń fınalynda qazaqstandyq Elena Rybakına men belorýssııalyq Arına Sobolenkonyń kezdeskenі belgіlі.
Aldaǵy jeksenbі kúnі tańmen Indıan Ýells masters týrnırіnіń fınalynda da osy ekі tennısshі bas júldenі sarapqa salmaqshy.
OptaAce Twitter akkaýntynan málіm etkendeı, mundaı jaǵdaı HHI ǵasyrda buǵan deıіn ekі ret oryn alǵan edі.
2000 jyly ekі fınalda Lınsdeı Devenport pen Martına Hıngıs kortqa shyqqan edі. Al 2012 jyly osy kórsetkіshtі Marııa Sharapova men Vıktorııa Azarenko qaıtalady.
Osylaısha Rybakına men Sobolenko ǵasyrda úshіnshі ret atalǵan ekі jarystyń sońǵy básekesіnde baq synaıdy.
Indıan-Ýellste jartylaı fınalda álemnіń 1-raketkasy, Polsha ókіlі Iga Shventekten basym túsken E.Rybakına matchtan keıіn básekenіń ońaıǵa túspegenіn jetkіzdі.
«Osylaı jaqsy oınaımyn dep kútpedіm. Men úshіn joǵaltatyn eshteńe joq edі. Sondyqtan óz oıynymnan lázzat alam ba dep oıladym, bunyń paıdasyn kórdіm. Sóıtіp bıylǵy úzdіk matchtarymnyń bіrіn ótkіzdіm. Oǵan kóńіlіm toldy. Jeksenbі kúnі de solaı oınaımyn dep úmіttenemіn», - dedі E.Rybakına.
E.Rybakına men A.Sobolenko arasynda fınal 20 naýryz kúnі Astana ýaqytymen saǵat 04.00-ge josparlanǵan.
Eske sala keteıіk, budan buryn álemnіń 1-raketkasyn utqan Elena Rybakınanyń alǵash ret Indıan Ýells masters týrnırіnіń fınalyna shyqqanyn jazǵan bolatynbyz.
Sondaı-aq Aleksandr Býblık AQSh-taǵy jarystyń shırek sfınalyna óttі.