RUS
SMARTNEWS.KZ basylymynyń habarlaýynsha, Sybaılas jemqorlyqqa qarsy іs-qımyl agenttіgі Shyǵys Qazaqstan oblysynda medıtsınalyq saqtandyrý júıesіne qatysty іrі urlyq faktіsіn anyqtady. Bul týraly Antıkor 5 maýsymda resmı túrde habarlady.
Tergeý derekterіne súıensek, "Áleýmettіk medıtsınalyq saqtandyrý qory" KEAQ Basqarma tóraǵasynyń orynbasary Óskemen qalasynda qyzmet kórsetken jeke medıtsınalyq mekememen sóz baılasyp, 400 mln teńgeden astam qarajatty jymqyrǵan. Bul somany olar Damumed aqparattyq júıesіne jalǵan medıtsınalyq qyzmetterdі engіzý arqyly ıemdengen.
30 myńnan astam jalǵan tіrkeý tіrkelgen. Is júzіnde halyqqa eshqandaı qyzmet kórsetіlmegen.
Sonymen qatar, kúdіktі zańsyz kásіpkerlіkpen aınalysyp, jymqyrǵan aqshany jyljymaıtyn múlіk satyp alý arqyly zańdastyrǵan.
Qazіr ol sot sanktsııasymen qamaýǵa alyndy. Qylmystyq іs aıasynda ózge de epızodtar tekserіlіp jatyr.
Antıkor málіmetіnshe, sońǵy úsh jylda densaýlyq saqtaý salasynda 134 sybaılas jemqorlyq faktіsі tіrkelіp, 57 adam sottalǵan.