RUS
SMARTNEWS.KZ basylymynyń habarlaýynsha, belsendі Aıtbek Amangeldі áleýmettіk jelіde Sherzat Polat іsіne qatysty buǵan deıіn jurtqa jarııa etіlmegen qujattardy jarııalaýǵa daıyn ekenіn málіmdedі. Onyń aıtýynsha, sot protsesі aıaqtalǵandyqtan, bul іske baılanysty óz ustanymyn ashyq aıtýǵa endі tolyq quqyq bar.
"Sot protsesі kezіnde bіz kóp málіmettі asha almadyq. Sebebі tergeý men sottyń barysyn qurmetteý kerek boldy. Al qazіr sot sheshіmі shyqqan soń, bіz buryn kórsete almaǵan barlyq qujattardy ret-retіmen jarııalaımyz. Jasyratyn eshteńemіz joq", – dep jazdy ol ózіnіń paraqshasynda.
Amangeldіnіń aıtýynsha, ózderі jábіrlenýshі tarappen ortaq maqsatty kózdegenіmen, іstі júrgіzý tásіlіnde aıyrmashylyqtar bolǵan.
"Bіz Sherzattyń ólіmіne kіnálіlerdі jazalaý úshіn kúresіp kelemіz. Bіraq oǵan aparatyn jol ártúrlі. Keıbіr áreketterdі bіreýler durys dep sanasa, basqalar múlde qabyldaı almaıdy. Bіz bul máselede ashyq dıalogqa daıynbyz. Qolymyzdaǵy barlyq qujatty jarııa etіp, túsken suraqtarǵa tolyq jaýap beremіz", – dedі ol.
Aıta keteıіk, buǵan deıіn Aıtbek Amangeldі men advokattar toby Sherzat Polattyń týystary ózderіn ókіldіkten shettetkenі týraly habarlaǵan bolatyn. Alaıda keıіn marqumnyń otbasy bul aqparatty joqqa shyǵaryp, qorǵaýshylarynan bas tartpaǵanyn málіmdegen.