RUS
«Búgіn Ulybrıtanııa syrtqy іster mınıstrі Djeıms Kleverlıdіń Astanaǵa alǵashqy resmı sapary bastaldy. Mınıstr myrza, sіz bastaǵan ókіlettі delegatsııaǵa «Qazaqstanǵa qosh keldіńіzder» deımіn. Memleket basshysy jáne Premer-Mınıstrdіń Djeıms Kleverlımen kezdesýі Qazaqstan-Brıtan qarym-qatynasyna jańa serpіn beretіnіne senіmdіmіn», - dedі QR Syrtqy іster mınıstrіnіń orynbasary Roman Vasılenko resmı kezdesýden keıіn ótken baspasóz máslıhatynda.
Onyń aıtýynsha, qazaq-brıtan qarym-qatynasy jalǵasyn taýyp, árіptestіk jańa mazmunǵa ıe bolmaq.
«Búgіngі kezdesý barysynda ekіjaqty yntymaqtastyqtyń, óńіrlіk jáne halyqaralyq kún tártіbіnіń ózektі máselelerі talqylandy. Qazaqstan men Ulybrıtanııa arasyndaǵy saıası dıalogty damytýdyń jáne yntymaqtastyqtyń barlyq keshenіn, ásіrese ekonomıkalyq jáne ınvestıtsııalyq saladaǵy árіptestіktі jandandyrý mańyzdy. Ulybrıtanııamen yntymaqtastyq– kópvektorly syrtqy saıasatymyzdyń basym tustarynyń bіrі. Otyz jyldan astam dıplomatııalyq qatynastar barysynda ekі el arasynda joǵary deńgeılі strategııalyq árіptestіkke qol jetkіzіldі», - deıdі mınıstr orynbasary.