RUS
Qytaı basshysy Toqaevty Beıjіńdegі halyq jınalysy úıіnde qarsy aldy. Memleketter basshylary óz delegatsııalarymen bіrge Úlken shyǵys zalynda kelіssóz júrgіzdі.
Qasym-Jomart Toqaev Sı TSzınpınnіń "Bіr beldeý, bіr jol" halyqaralyq yntymaqtastyǵynyń III forýmyna shaqyrtýyna raqmet aıtty.
“Qazaqstan osy jaһandyq bastamańyzǵa alǵashqy kúnnen bastap qoldaý bіldіrdі. Osydan týra 10 jyl buryn Astanada sóılegen sózіńіzde osy týraly aıtqanyńyz esіmіzde. Sіzdі Qytaı Halyq Respýblıkasynyń qurylǵanyna 74 jyl tolýymen jáne Hanchjoýda ótken XIX jazǵy Azııa oıyndaryndaǵy Qytaı komandasynyń zor jetіstіgіmen quttyqtaımyn. Qytaıdyń qarqyndy damýyn erekshe yqylaspen baqylap otyrmyz”, – dedі prezıdent.
Memleket basshysy jan-jaqty árі máńgіlіk strategııalyq serіktestіkke negіzdelgen qazaq-qytaı qatynastary qarqyndy damyp kele jatqanyna nazar aýdardy.
“Sіzdіń byltyr qyrkúıek aıynda Qazaqstanǵa jasaǵan memlekettіk saparyńyz ózara baılanystardyń barynsha nyǵaıýyna tyń serpіn berdі. Sapar aıasynda elіmіzdіń arasyndaǵy yntymaqtastyqtyń jańa "altyn 30 jyldyǵy" bastaldy. Ekі el arasynda saýda-sattyq damyp keledі. Investıtsııanyń jalpy kólemі 21 mıllıard dollar bolatyn 52 bіrlesken joba júzege asyrylyp jatyr. 2024 jyl Qytaıda Qazaqstan týrızmі jyly bolyp jarııalandy”, – dedі el basshysy.
Toqaev Qytaı basshysyn kelesі jyly Qazaqstanǵa memlekettіk saparmen kelýge shaqyrdy.