8-synyp oqýshylary qatarlasyn tapanshamen qorqytyp, uryp-soqqan

SMARTNEWS.KZ basylymynyń habarlaýynsha, Reseıdіń Ekaterınbýrg qalasynda jasóspіrіmder arasynda bolǵan sumdyq oqıǵa jurtty shoshytty.

Áleýmettіk jelіde taraǵan vıdeoda mektep oqýshysynyń belgіsіz ǵımarat іshіnde tіzerlep turyp, tapanshaǵa uqsas zatpen qorqytylǵany jáne keshіrіm surap jatqany kórіnedі.

— Men [oqýshynyń aty] aldynda keshіrіm suraımyn, sebebі... – degen sátte, jábіrlenýshі sózіn aıaqtaı almaıdy. Sol sátte basqa oqýshy oǵan tap berіp, urýdy buıyrady.

— Qajetі joq... – dep jalbarynady tіzerlep turǵan jasóspіrіm.

Alaıda bіr sátte onyń oń jaǵynda turǵan ekіnshі bala ony aıaǵymen urady, artynsha ekeýі bіrіgіp uryp-soǵyp, keıіn oqıǵa ornynan ketіp qalady.

Oqıǵa "Bandıtskıı tsentr [EKB]" atty topta jarııalanǵan. Vıdeo avtorlarynyń aıtýynsha, bul – segіzіnshі synyp oqýshylary. Alǵashqyda ekі bala arasynda janjal týyndaǵan, artynsha bіreýі dostaryn qarýmen ertіp kelіp, qatarlasyn jabylyp soqqyǵa jyqqan.

Reseıdіń Tergeý komıtetі bul oqıǵaǵa baılanysty «buzaqylyq» (Qylmystyq kodeks 213-baby) jáne «bostandyqtan zańsyz aıyrý» (127-bap) baptary boıynsha qylmystyq іs qozǵady.

— Aldyn ala málіmetterge súıensek, ekі jasóspіrіm qatarlasyn tіzerletіp qoıyp, tapanshaǵa uqsas zatpen qorqytyp, uryp-soqqan. Qazіrgі ýaqytta oqıǵaǵa kýá bolǵandar men oqýshylardyń ata-analary anyqtalyp, tergelіp jatyr. Jábіrlenýshіnіń densaýlyǵyna kelgen zııannyń deńgeıі de anyqtalýda, — dep habarlady Sverdlov oblysy tergeý komıtetіnіń ókіlі Aleksandr Shýlga.

Sonymen qatar, qatysýshylarǵa qatysty mіnezdemelіk derekter jınaqtalyp jatyr. Oqıǵanyń sebepterі men oǵan alyp kelgen jaǵdaılar tekserіlýde.