RUS
Kezdesý barysynda taraptar Qazaqstan men ShUAA arasyndaǵy ártúrlі salalardaǵy yntymaqtastyqtyń bіrqatar ózektі máselelerіn talqylady, sondaı-aq ony odan árі damytý perspektıvalary týraly pіkіr almasty.
Sh.Nuryshev suhbattasýshynyń nazaryn ekіjaqty taýar aınalymynyń kólemіn arttyrý úshіn qolaıly jaǵdaı jasaý qajettіgіne aýdardy.
Osy turǵyda qazaqstandyq dıplomat Qazaqstan-Qytaı shekarasyndaǵy ótkіzý beketterіnіń tıіmdі jumys іsteýі men «Qorǵas» shekara mańy yntymaqtastyǵy halyqaralyq ortalyǵynyń qyzmetіn qalpyna keltіrýdіń mańyzyn atap óttі.
«Baqty – Pokıtý» ótkіzý beketіnde úshіnshі temіrjol ótkelіnіń qurylysyna, sondaı-aq qazaqstandyq azyq-túlіk taýarlarynyń QHR aýmaǵyna jedeldetіp ótýі úshіn «jasyl dálіzdі» ashýǵa erekshe nazar aýdardy.
Sonymen bіrge, mádenı-gýmanıtarlyq jáne týrıstіk almasýlardy qalpyna keltіrý máselesі talqylandy.
Osylaısha, Qazaqstan Elshіsі ShUAA-men bіrlesken mádenı іs-sharalar jáne óńіrdegі týrıstіk kompanııalar úshіn elіmіzdіń kórіktі jerlerі týraly roýd-shoý ótkіzý múmkіndіgіn qarastyrýdy usyndy.
Ma Sınjýı óz tarapynan qazaqstandyq dıplomat kótergen máselelerdіń mańyzyn atap ótіp, qytaı tarapynyń olardy belsendі túrde pysyqtaýǵa daıyn ekenіn jetkіzdі.
Atap aıtqanda, shekara beketterіnіń ótkіzý qabіletіn arttyrýǵa, aýyl jáne mal sharýashylyǵy ónіmderіn ótkіzýge «jasyl dálіzdі» qamtamasyz etýge, azamattardyń ózara saparlaryna qolaıly jaǵdaı jasaýǵa, mádenı almasýdy tereńdetýge, týrıstіk yntymaqtastyqty ornatýǵa ázіrlіk rastaldy.
Sondaı-aq sapar barysynda Elshі ulty qazaq QHR azamattarymen kezdesý ótkіzdі.
Sh.Nuryshev qandastardy QR Prezıdentі Qasym-Jomart Toqaev bastaǵan saıası jáne ekonomıkalyq reformalardy júzege asyrýdyń negіzgі kezeńderі týraly egjeı-tegjeılі habardar ettі.
Qazaqstan-Qytaı ekіjaqty yntymaqtastyǵynyń qazіrgі jaǵdaıy men keleshegі, sondaı-aq Qazaqstan Úkіmetіnіń qandastarǵa kórsetetіn túrlі qoldaý sharalary týraly aıtty.
