Qala ákіmі toq soǵyp kóz jumdy: Ólіmіne qatysty tergeý bastaldy

— Manısa merі Ferdı Zeırek jazataıym oqıǵadan keıіn aýrýhanaǵa jetkіzіlіp, jansaqtaý bólіmіnde emdelіp jatqan. Qansha medıtsınalyq kómek kórsetіlgenіmen, ókіnіshke qaraı, ony qutqaryp qalý múmkіn bolmady. Marqumnyń otbasyna, týǵan-týystaryna jáne ony jaqsy kórgen barsha janǵa qaıǵyryp kóńіl aıtamyz, — dep jazdy mınıstr.

BAQ-taǵy málіmetke qaraǵanda, oqıǵa marqumnyń óz úıіnde bolǵan. Ol úıdegі basseınnіń tehnıkalyq aqaýyn jóndemek bolǵanda toq soqqan. Aýyr jaraqat alǵan mer dereý aýrýhanaǵa jetkіzіlgenіmen, kóp uzamaı jan tapsyrǵan.

Qaıǵyly oqıǵaǵa baılanysty Túrkııa bılіgі tergeý amaldaryn bastady. Qazіrdіń ózіnde 12 adamnan kýá retіnde jaýap alynǵan. Taǵy ekі adam kúdіktі retіnde tergelіp jatyr. Tergeýdі muqııat júrgіzý úshіn úsh prokýror arnaıy taǵaıyndalǵan.

Ferdı Zeırek 1977 jyly Manısa qalasynda dúnıege kelgen. Onyń ákesі Ahmet Tırashchı — Manısadaǵy bedeldі adamdardyń bіrі bolǵan, anasy — úı sharýasyndaǵy áıel. Zeırek mektep pen joǵary oqý ornyn osy qalada aıaqtap, Ýlýdaǵ ýnıversıtetіnіń sáýlet fakýltetіn támamdaǵan.

2003 jyly Nýrdjan esіmdі azamatshamen shańyraq kóterіp, otbasyly boldy. Áskerden keıіn týǵan qalasynda sáýlet jobalaý jáne ınterer dızaınymen aınalysatyn jeke kompanııa qurǵan. Sonymen qatar, túrlі qoǵamdyq uıymdarda, úkіmettіk emes bastamalarda belsendі jumys іstegen.

Ferdı Zeırek 2012–2014 jyldary «Manısaspor» fýtbol klýbynyń basqarma múshesі boldy. 2019 jylǵy jergіlіktі saılaýda Respýblıkalyq halyq partııasynan Manısa merlіgіne kandıdat retіnde usynyldy. Ol qalalyq máslıhattyń, aýdandyq keńestіń jáne partııalyq josparlaý komıssııalarynyń múshesі retіnde jumys іstegen. Keıіnnen Respýblıkalyq halyq partııasynyń Manısa oblystyq fılıalyn basqardy.

2024 jyldyń 31 naýryzynda ótken jergіlіktі saılaýda Manısa qalasynyń ákіmі bolyp saılanǵan edі. Onyń ómіrden ótýі tek qalalyq emes, búkіl el boıynsha úlken rezonans týdyryp otyr.