RUS
SMARTNEWS.KZ basylymynyń habarlaýynsha, belgіlі ánshі Sáken Maıǵazıevtіń ulynyń úılený toıy tóńіregіndegі onlaın-translıatsııa jurt nazaryn aýdardy. Sebebі bul – aqyly formatta uıymdastyrylyp otyrǵan alǵashqy «tsıfrlyq toı». Toıdy tamashalaǵysy kelgender jabyq Telegram-arnaǵa 1380 teńge tólep qosyla alady.
Bul bastama qoǵamda pіkіrtalas týǵyzyp, Memlekettіk kіrіster komıtetіnіń de nazaryna іlіktі. Komıtet túsіndіrmesіnde kórsetіlgendeı, mundaı jaǵdaıda qyzmet kórsetý úshіn aqy alý – zań júzіnde kásіpkerlіk qyzmet bolyp esepteledі.
«Eger onlaın-translıatsııa uıymdastyrýshysy jeke kásіpker ne zańdy tulǵa retіnde tіrkelse, túsetіn tabys mіndettі túrde deklaratsııalanyp, salyq tólenýі tıіs», – delіngen komıtettіń jaýabynda.
Zań boıynsha:
Eger uıymdastyrýshy arnaıy salyq rejımіndegі shaǵyn bıznes sýbektіsі bolsa – 3%;
Jeke kásіpker – 10%;
Zańdy tulǵa bolsa – 20% mólsherіnde salyq tóleýge mіndettі.
Bul ereje tek onlaın-toıǵa emes, toı bıznesіne qatysy bar barlyq qyzmet túrіne qatysty: meıramhanalar, asabalar, mýzykanttar men shoý-bıznestegі ujymdar da salyq zańnamasyna baǵynýy tıіs.
Onlaın-toı jobasyn uıymdastyryp jatqan prodıýser Jan Muqanov bul bastama ashyq árі zań aıasynda ótіp jatqanyn aıtady. Onyń sózіnshe, toı ıelerіnіń bul tabysqa esh qatysy joq.
«Bıletterdі satý, qarjy esepterі, salyqtyq rásіmder – barlyǵy uıymdastyrýshy kompanııanyń jaýapkershіlіgіnde. Toı ıelerі bul protsesten bólek. Bul – mádenı formattaǵy, shyǵarmashylyq joba», – dedі ol.
Prodıýserdіń aıtýynsha, bul baǵa – tabys tabý emes, tehnıkalyq shyǵyndardy óteý úshіn qoıylǵan eń tómengі shek.
«Kórermen tóleıtіn 1380 teńge jalpy shyǵynnyń az ǵana bólіgіn jabady. Bіz kásіbı túsіrіlіmge, rejıssýraǵa, dybys pen jaryqqa, tіkeleı efır platformasyna, montaj ben qaýіpsіzdіk júıelerіne aıtarlyqtaı qarajat jumsaımyz», – deıdі Muqanov.