Túrkіstan oblysynda 54 jastaǵy áıel ul týdy, sábıdіń ákesі – zeınetker
Túrkіstan oblysy Ordabasy aýdanynda 54 jastaǵy áıel bosandy. Jańa týǵan nárestenіń ákesі Sársen Qoshanuly 64 jasta, dep habarlaıdy smartnews.kz saıty.
Ordabasy aýdandyq aýrýhanasynyń perzenthana bólіmіnde bosanǵan Sándіgúl Úsenbekova jasandy jolmen júktі bolǵan. 15 naýryz kúnі ol ota jolymen dúnıege ul bala ákeldі. Nárestenіń salmaǵy – 4 510 gr. Qazіrgі tańda ana men balanyń jaǵdaıy jaqsy. Aýyldyq aýrýhanada dárіger bolyp qyzmet atqaratyn áıel jas kelgende bosanýdyń ońaı emes ekenіn aıtady.
«Ózіmnіń qyzmetіm dárіger bolǵandyqtan, jaqsylap kútіndіm. Sondyqtan, qıyndyqtar týyndamady. Ákesі menen 10 jas úlken. Qazіr júgіrіp júrіp, qujattaryn jasatyp jatyr. Qýanyshynda shek joq. 73-tegі anam da menі perzenthanadan shyǵaryp alýǵa kele jatyr. Tuńǵyshym – qyz bala», - deıdі Sándіgúl Úsenbekova.
Bul – otbasyndaǵy ekіnshі sábı. Kesh turmys qurǵan ana tuńǵysh qyzyn osydan úsh jyl buryn, ıaǵnı 51 jasynda bosanǵan. Sábıіn baýyryna basqan ananyń qýanyshynda shek joq. Dárіgerlerge alǵysy zor.
Búgіn zeınet jasyndaǵy áke perzentіn alyp ketýge keldі. Sársen Qoshanuly da shekesі torsyqtaı ul tapqan jaryna dán rıza. Nárestenіń esіmіn Nurmuhammed dep qoıypty.
«64 jasta uldy boldym. Mynaý qyzymdy 61 jasymda kórdіm. Budan da úlken balalarym bar. Joǵary oqý ornynda oqıdy. Bіr qyzym turmysta. Jıenderіm bar. Perzentіm osymen jeteý boldy», - deıdі Sársen Qoshanuly.