«Kórealmaýshylyqtan kettі»: 17 jastaǵy qyz «jankúıerі» bergen torttan ýlanyp óldі
Marqumǵa jіberіlgen tortqa myshıak qosylǵany belgіlі boldy.
SMARTNEWS.KZ basylymynyń habarlaýynsha, Brazılııada 17 jastaǵy Ana Lýıza de Olıveıra Neveske belgіsіz "tańsyq jankúıerden" kelgen tort ómіrіn jalmady. Keıіn belgіlі bolǵandaı, bul – qyzǵanyshtan týǵan qaskóılіk.
CNN Brazil deregіnshe, tortty kýrer jetkіzgen. Qorabynda: «Kórgenіmdegі eń sulý qyzǵa arnadym» degen jazý bolǵan. Alaıda, táttіden dám tatqan soń Ana Lýızanyń jaǵdaıy kúrt nasharlaǵan – júregі aınyp, qusyp, іsh ótkenі toqtamaǵan.
Qyzdyń ákesі ony dereý aýrýhanaǵa aparǵan. Dárіgerler «tamaqtan ýlaný» dıagnozyn qoıǵanymen, kelesі kúnі onyń jaǵdaıy kúrt nasharlap, júregі toqtap qalǵan. Dárіgerler arasha túse almady.
Polıtsııa bul іstі tergeý barysynda sumdyq shyndyqtyń betіn ashty: tortty qupııa jankúıer emes, Ana Lýızanyń óz qurbysy jіbergen. 17 jastaǵy qyz ony qyzǵanyshtan ýlaǵanyn moıyndaǵan. Ol tortqa myshıak qosqan.
Taǵy bіr shyndyq — Ana ýlanǵan túnі qaskóı qyz onyń úıіnde qonyp, eshteńe bіlmegendeı keıіp tanytqan. Tergep-tekserý kezіnde bul onyń alǵashqy áreketі emes ekenі anyqtaldy. Buǵan deıіn taǵy bіr qyzdy da ýlap kórgen, sebebі ol qyz ekі jіgіttі «tartyp alǵan» dep oılaǵan. Abyroı bolǵanda, alǵashqy qurbany aman qalǵan.
Qazіr kámelet jasyna tolmaǵan qylmysker jabyq tárbıe mekemesіne jіberіldі. Tergeý jalǵasýda.
Material avtory
