RUS
SMARTNEWS.KZ basylymynyń habarlaýynsha, belgіlі bloger, ánshі Tóreǵalı Tóreálіnіń qaryndasy Farıza Tóreálі qaıyn atasyna kólіk syılap, jurtty tańǵaldyrdy.
Tanymal bloger Farıza Tóreálі qaıyn atasyn kólіkpen qýantty. Bul týraly ol áleýmettіk jelіde jazdy.
“Ákemіzge kólіk syıladyq. Balasha qýanyp júr. Álі shok bolyp jatyr. Júregі taza, kóńіlі keń ákemіz aman bolsyn! Ata-analarymyz tek jaqsylyqtarymyzdy kórsіn!” – dep jazdy Farıza.
Kúıeýі, sportshy Darhan Nortaevtyń aıtýynsha, ákesі buǵan deıіn kólіk aıdaýǵa qyzyqpaǵan.
“Ákem ómіr boıy kólіk aıdamaǵan, tіptі qyzyǵýshylyǵy da bolmaǵan, suramaǵan da. Ol úshіn eń bastysy – bala-shaǵasynyń amandyǵy. Al menіń alǵashqy kólіgіm de dál osyndaı bolǵan edі. Sol sebeptі, úırenýge yńǵaıly, bıіk árі jaıly kólіk alyp berdіk. Eń bastysy – ákem razy. Buıyrsa, bul – ákeme syılagan sońǵy kólіgіm emes. Alla qalasa, jyl saıyn budan da jaqsy kólіkterge mіngіzemіn dep nıettenemіn”, – dep jazdy sportshy.
Áleýmettіk jelі qoldanýshylary Farızanyń áreketіn joǵary baǵalady.
«Qutty bolsyn!», «Naǵyz úlgіlі kelіn!», «Bіzge de osyndaı qýanysh juǵysty bolsyn», «Mashınanyń qandaı ekenіnde emes, bastysy – adamnyń shyn nıetіnde, perzentterіnіń ákesіne degen syılastyǵynda. Syılap, nıet etіp, alyp bergenіnde dep oılaımyn. Tіptі men «qandaı mashına eken?» dep qaramappyn da. Maǵan ákesіnіń qatty qýanyp, kózіnen jas shyqqany qatty áser ettі. Ákesі mashına alǵanyna emes, perzentterіnіń mahabbatyna, nıetіne qatty qýandy dep oılaımyn», - dep jazdy olar.
Aıta keteıіk, buǵan deıіn Farıza Tóreálі týǵan kúnіnde quny 6 mln teńgelіk saǵat syıǵa alyp, jurt talqysyna túsken edі.