RUS
SMARTNEWS.KZ basylymynyń habarlaýynsha, jelіde Qorǵanys mınıstrі bolǵan Rýslan Jaqsylyqovtyń qamaýǵa alynǵany týraly aqparat tarady. Aqparatty eks-mınıstr Tengrinews.kz saıtyna bergen jaýabynda joqqa shyǵardy.
Jaqsylyqov 2025 jylǵy 8 maýsymda Qorǵanys mınıstrі qyzmetіnen bosatylǵan bolatyn. Ashyq derekkózderde jarııalanǵan málіmet boıynsha, keıbіr Telegram arnalary 10 maýsymda onyń tergeýge alynǵanyn jáne Astana qalasyndaǵy ýaqytsha ustaý ızolıatoryna qamalǵanyn jarysa jazdy. Alaıda aqparat jalǵan bop shyqty.
- Bul jalǵan, - dep habarlady ol Tengrinews.kz tіlshіsіne telefon arqyly.
Qazіr ol Astanadaǵy úıіnde otbasymen bіrge túskі as іshkelі jatqanyn aıtty.
Sondaı-aq ol jalǵan aqparat taratqandarǵa sotqa aryz túsіretіnіn eskerttі.
Eske salaıyq, 2022 jyldyń basynda gaz baǵasyna qoıylǵan shekteýdіń alynyp tastalýyna baılanysty týyndaǵan narazylyqtar Qańtar kóterіlіsіne ulasqannan keıіn Rýslan Jaqsylyqov Qazaqstannyń Qorǵanys mınıstrі bolyp taǵaıyndalǵan edі. Oǵan deıіn ol Ishkі іster mınıstrіnіń orynbasary árі Ulttyq ulannyń qolbasshysy qyzmetіn atqarǵan.
Artynsha 2024 jyldyń aqpanynda Memleket basshysynyń jarlyǵymen Rýslan Jaqsylyqov qaıtadan Qorǵanys mınıstrі laýazymyna taǵaıyndalǵan.
Jaqsylyqov mınıstrlіktі basqarǵan kezіnde Qarýly kúshterde áskerı qyzmetshіlerdіń qaza tabýy men ózіne qol jumsaýy sııaqty bіrqatar qaıǵyly oqıǵa oryn alyp, qoǵamda rezonans týdyrǵan. Osy jaıttar mınıstrlіkke syn aıtylýyna sebep boldy. Alaıda, resmı túrde onyń qyzmetіnen bosatylý sebebі jarııalanǵan joq.