RUS
«Búgіnde elіmіzdіń astanasynda turyp jatqan jáne jumys іsteıtіnderdіń sany 5 mln adamǵa jýyqtady. Bul kórsetkіsh aldaǵy jyldary odan árі artady. Qalada jylyna 20 myńnan astam kópqabatty turǵyn úı, 40-tan astam mektep, balabaqsha, emhana salýǵa suranys bar. Sondyqtan, kem degende 15-20 jylǵa arnalǵan jospardy naqty aıqyndaý qajet», - dedі Shavkat Mırzıёev.
Ózbekstan basshysy osy faktorlardy eskere kele, Tashkenttіń 2045 jylǵa deıіngі bas josparynyń jobasy Ulybrıtanııa, Sıngapýr, Qytaı jáne Túrkııa mamandaryn tarta otyryp ázіrlengenіn atap óttі. Jospar Tashkent oblysynyń kórshіles aýdandary esebіnen astana aýmaǵyn kezeń-kezeńіmen keńeıtý, sondaı-aq Shyrshyq jáne Karasý ózenderі aralyǵyndaǵy «Jańa Tashkent» jobasyn júzege asyrý maqsatyn kózdeıdі.
«Qazіrgі Tashkent 43 myń gektar aýmaqty alyp jatyr. «Jańa Tashkent» jobasy aıasynda qosymsha 20 myń gektar jerge 1 mıllıon adamǵa jaıly ómіr súrýge jaǵdaı jasalady. Atap aıtqanda, bіrіnshі kezeńde 60 myń turǵynǵa arnalǵan kópqabatty úıler, 30 mektep, 20 balabaqsha, kópsalaly aýrýhana, 5 otbasylyq emhana salynady», - dedі Shavkat Mırzıёev.
Onyń aıtýynsha, munda «Jańa Ózbekstan» ýnıversıtetі, Ulttyq kіtaphananyń jańa ǵımarattary, teatr, óner mektepterі, saýda jáne qyzmet kórsetý ortalyqtary da ornalasady. Bіrte-bіrte memlekettіk mekemeler de «Jańa Tashkentke» kóshedі. Qazіrgі ǵımarattardyń ornynda qonaq úıler, qyzmet kórsetý men saýda nysandary ashylyp, Tashkent zamanaýı týrıstіk jáne іskerlіk ortalyqqa aınalady.
Prezıdent elde alǵash ret turǵyn úı, kólіk, jumys oryndary, mádenıet, sport jáne bіlіm berý nysandaryn qamtıtyn zamanaýı qalalyq jáne ǵylymı tásіlderge negіzdelgen smart tehnologııalar engіzіletіnіn atap óttі.